Popular Bible Verses from Galesiɛŋ 6

Share

Kúfii fé kpɛ̀ɛ a mɛni lɛ́lɛɛ kɛ́ɛ, kpɛ́ni fêi, tãi a pâi, kwa pâi sɛŋ da kulâi zu, à kɛ̀ kúfe kpera ni.

Mɛni ma, tãi pɔ̂ri-mâa káa la kúyêei, kwaa mɛni lɛ́lɛɛ kɛ́ núu kélee mî, é tela kɛ́ a diai díkaa a naa-lai su-ƃela-kpului.

Ka kákîe-ni díkpîri wuyɛɛ-ŋai síɣe, a gɛ́ɛ ká Kôrai ŋɔtɔ̂ŋ ŋ̀aa-see kɛ́.

Káfe kákpîŋ pɛ̀lɛ. Núu fa ɣɛ́lɛ-maa kùla Ɣâla kponôi, kpɛ́ni fêi, zɛŋ núu a zìi, ǹyaa ƃe a gùla.

Kpɛ́ni fêi, núu a sɛŋ sí ŋɔkɛ-pere-nyɔŋ mɛni mai, a su-kara kùla ŋɔkɛ-pere-nyɔŋ su. Kɛ́lɛ, núu a sɛŋ sí M̀ɔlêŋ mɛni mai, a wɔlɔ-wɔlɔ fulu-laa kùla M̀ɔlêŋ kponôi.

Ŋánûa, à kɛ̀ máŋ kà núu da kàa gɛ mɛni nyɔ́mɔɔ kɛ̀, káai M̀ɔlêŋ káa kákponôi ka pá a maa-nuui tí pôlu a pere lɛ́lɛɛ. Ka gɔ́lɔŋ a gɛ́ɛ ɣele da ka pâi pilîi yee-laa-maa su káa máŋ.

Kpɛ́ni fêi, à kɛ̀ núu da a gíli ŋá sìa a gɛ́ɛ gáa a núu kɛ́tɛ, ǹyaŋ núu kɛ́tɛ fei, gáa gbîŋ pɛlɛ̂i. Kɛ́lɛ, tɔɔ núu kélee é gbîŋ-tii su káa. Ǹyaŋ ŋɔyoŋkai maa-sapoi a pâi gulâi naai, gáa gbîŋ mɛni ma. Ve ŋɔkɔlɛ-ma-nuui mɛni ma. Kpɛ́ni fêi, fɛ̀ɛ núu kélee é gbîŋ tìã siɣe.