Popular Bible Verses from Ifisiɛŋ 5

Share

Mɛni ma ka kɛ́ a Ɣâla-pɔkɔɔŋ-ƃela yɛ̂ɛ wɛli-kɛ-maa nîa-pɛlɛɛ, ka sia wɛli-kɛ-maa su yɛ̂ɛ berei Kôrai máŋ è kúwɛli la é gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Mɛni ma ka kásia-pere maa kpɛɛ a ǹɛ́lɛɛ. Káfe sia yɛ̂ɛ ƃoo-ƃela, kɛ́lɛ, ka sia yɛ̂ɛ táre-ƃela. Tãi gáa káyêeii ka tíi kɛ́ la a gbanaŋɔɔ. Kpɛ́ni fêi, ŋele-ŋai díkaa a sɔnyɔ̂ŋ-ɣele-ŋa.

Ŋwãai fé kákɛ̀, nyíi gáa a gɛ́-ɣeniɛ ŋuŋ fuloŋɔɔi. Kɛ́lɛ, kálaa é fɛ́ɛ a M̀ɔlêŋ. Ka lóno kákîe-ni pɔ wule-woo-ŋa su da Ɣâla-wule-ŋa, kakɛ wule too kakɛ pêle kɛ̀ Kúnuu-namui ma a kálii kélee. Ka sɛɣɛi-fei tɛɛ Kúnâŋ Ɣâla pɔ a tãi kélee sɛŋ kélee mɛni ma Kúnuu-namui Zîsɛ Kôrai láai su.

Maa-mɛni ma káfe ƃoo. Kɛ́lɛ, ka táre Kúnuu-namui ńîa-mɛnii su.

Sinâa, ka kánɛyâai wɛ́li yɛ̂ɛ berei Kôrai è Kôrai-toli-kpɔŋ wɛ́li la é gbîŋ tɛɛ mɛni ma

kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi. Ka sia yɛ̂ɛ kwaa-ponoɔɔ su-nia-pɛlɛɛ.

Ka kɛ́ kákîe-ni mu Kôrai ŋɔyao-maai su.

Nɛyâa, ka kɛ́ kásinâai mu, yɛ̂ɛ berei kákaa la Kúnuu-namui mui.

Kɛ́lɛ, kákelee ka kánɛyâai wɛli tɔnɔ́-tɔnɔ́ yɛ̂ɛ kákpîŋ. Fɛ̂ɛ ǹyaŋ ǹɛyâai dí gáa a gɛ́ɛ dí ƃaa kɛ́-maa tɛɛ dísinâai pɔ.

“Sâpoi ŋí ma, surɔ̂ŋ a ǹâŋ lɛ̀ɛ da ǹee é kánaŋ ŋɔnɛnîi ma, dífeerɛ dí kɛ́ tɔnɔ.”

Káfe gbínii ŋɔtíi-ŋai da kɛ̀, nyíi-ŋai dífa ƃâi, kɛ́lɛ, ka pá a maa-tii-ŋai ti fíeŋ ŋá.