Popular Bible Verses from Ifisiɛŋ 4

Share

Sɔŋ-lɛlɛ da lii-lɛlɛ dí kɛ́ káyêei kákîe-ni mɛni ma. Ka kákîe-ni su-mɛni lɛɛ nɔ́ yɛ̂ɛ berei Ɣâla è kasu-mɛni lɛɛ la Kôrai sarâi.

da maa-yeŋ-pere, ƃɛlɛ-laa, é pɛ́lɛ lii-kpele ma, a gɛ́ɛ ká kálii kpele kákîe-ni yêei wɛli-kɛ-maa su.

Káfe ǹɛɛ naa lono nyɔ́mɔɔ é kúla kála, kɛ́lɛ, lono nɔ́ a nyíi a lii-laa tɛ̀ɛ núu pɔi, nyíi ǹɛ́lɛɛ̂i mɛnii ka gɛ̂i mɛni mai, a gɛ́ɛ kálono-wooi é lûwa láa diai dîa da káwoo mɛnii.

Ka ƃó lii-ŋwana ma, lii-nyɔŋ, sóoŋ, larâŋ, da ŋɛi-kpala sii kélee.

Kálii à ŋwàna, káfe sɔnyɔ̂ŋ kɛ̀. Kálii-ŋwanai fé lɛ̀ɛ zu fólo é li. Kpaa máŋ káfe tãi tɛɛ Dɛ̂ƃele pɔ.

a gɛ́ɛ ká tée kátûa-pere pɔlɔi ma, nyíi pâi karâi, kpɛ́ni fêi, ŋɔmɛni-wɛliɛi káa a pɛlɛ. Ka kɛ́ a núu nina kákili ŋɔmɔlêŋ su. Ka dua-pere ninâi siɣe, nyíi Ɣâla è gbɛ̀tɛ a molôŋ maa tɔ̃yâ laa-la sãa su da maa-waa-laai.

Ka kɔ́ ká M̀ɔlêŋ ŋɔkɛ-zu-tɔnɔɔi kɛ́ nii-seei su nyíi a nûa kɛ̀ zu tɔnɔɔi.

È núu da-ni tɛ̀ɛ kúpɔ a gɛ́ɛ dí kɛ́ a sia-ƃela, da-ni a Ɣâla ŋɔlóno kɛ́-ƃela, da-ni a Ɣâla-woo taa-taa-ƃela, da-ni a pasɛ-ŋa, da-ni dí ƃo a sɛŋ-lɛ-ƃela, a gɛ́ɛ Ɣâla ŋɔnûai dí kɛ́ a díkpɛtɛɛ ŋɔtíi mɛni ma, a gɛ́ɛ Kôrai kponoi é tɔ́ɔ, é lɛ́ɛ la zu kúkelee kúlaa-lai é kɛ́ tɔnɔ da Ɣâla Ǹóŋ maa-tarei, a gɛ́ɛ kú ƃɔlɔ kúmɔlêŋ kponôi kú kɛ́ yɛ̂ɛ Kôrai.

Gɛ̀ ní kúfe ŋɔ́nɔ pâi kɛ̂i yɛ̂ɛ nîa-pɛlɛɛ. Sɛŋ-lɛɛ nina kélee maa-fãai fé pâi kulâi ƃɛ-pere kpaa manaa-pere, kpaa máŋ é kútinâŋ-tinaŋ. Zɛŋ-lɛɛ ninai ŋí a kûla nûa díwôya-pere su, dítare-kiri, da dínuu-pɛlɛ lɛ̂ɛ-ŋai. Kúfe ǹɛɛ naa nyíŋi-ŋai ŋí dí kɛ́ a kúa, kɛ́lɛ, fɛ̂ɛ kú dɔ̃yâi ƃo wɛli-kɛ-maa su, kú ƃɔlɔ a pere sii kélee Kôrai kponôi nyíi gáa a kúŋuŋ tuɛ-nuui.