Popular Bible Verses from Mak 14

Share

Ŵapopesile acitiji, “Abba, Atati ŵangu, komboleka ŵalakwe kutenda cindu cilicose, andyocesye mgawo ŵa yisawusyowu. Nambo atende yeleyi mwakusosela ŵalakwe, ngaŵa yingusosa une.”

Ni ŵasalile soni kuti, “Mtame mesope, ni mpopeleje kuti mkagwa muyakulinjidwa. Mtima wenu ukusaka, nambo cilu cenu cili cangali macili.”

Kusyene ngumsalicisya kuti kulikose kwele ŵandu taciŵaga ali mkulalicila Ngani Syambone* pa cilambo cosope capasi, mkasalicisyeje soni yele yatesile jwamkongweju, kuti ŵandu tamkumbucileleje.”

Ni ŵasalile jemanjajo kuti, “Mu mtima mwangu mugumbele canasa cekulungwa cakuwa naco. Jemanja mtame panopano, mesope.”

Ali mkulya yilayila, Yesu ŵajigele mkate, ni ŵamtogolele Mlungu, ni ŵawugaŵenyegaŵenye, kaneko ŵapele ŵakulijiganya ŵakwe ŵala, jwalakwejo ali mkuŵeceta kuti, “Pocelani, celeci cili cilu cangu.”

Kaneko ŵajigele soni mgawo ni ŵamtogolele Mlungu, ni ŵawupelece kwa ŵakulijiganya ŵala, ni ŵamwele wosope. Yesu ni ŵasalile ŵakulijiganyawo kuti, “Jeleji ni miasi jangu jakusimicisya Cilanga ca Mlungu. Miasi jeleji ngujijita ligongo lya ŵandu ŵajinji.

Kaneko Yesu ŵasalile ŵakulijiganya ŵakwe kuti, “Wosopemwe timcindila ni kundeka une jika. Pakuti Malemba gakusala kuti, ‘Mlungu taciwulaga jwakucinga, nipo ngondolo tisicipwilingana.’

Jimukani, kuti tujawuleje. Mundu jwakumbeleka jula ngati aju, ayice.”

Yesu ŵamjanjile Petulo kuti, “Kusyene ngumsalicisya kuti cilope cino, tambala mkanatongole kaŵili, timŵe mli munganile katatu kuti ngamkumanyilila une.”