Popular Bible Verses from Mak 13

Share

Ŵandu wosope tacimŵenga jemanja ligongo lyakunguya une. Nambo jwalijose jutacilimbicila mpaka pambesi, ni jutacikulupuka.

Sambano mkalamuce, mŵeje mesope, ligongo ngamkumanyilila kuti ndaŵijo tijicikwanila cakaci.

Myoyo, naga akwisa kukumkamula ni kumpeleka ku nganya ja magambo, mkadandawula ni kuganisya kuti, ‘Ana timkaŵecete cici?’ Iyayi, jemanja mkagambe kuŵeceta yitakamsalile Mlungu pa ndaŵi jelejo. Pakuŵa ngamja kuŵeceta jemanja iyayi, nambo Msimu Ŵaswela.

Kwinani ni cilambo capasi tiyicimala, nambo maloŵe gangu ngasigamala macili kose.

“Nambo ya lisiku kapena ndaŵi jakwe, pangali jwakujimanyilila. Atamose malayika gakwinani ngagakumanyilila. Atamose uneji Mwanace ngangumanyilila, nambo Atati jikape ni ŵakumanyilila.

Nambo jemanja mkadandawula pitimcipikana lisegwe lya ngondo pakuŵandikana ni jemanja kapena kupikana ngani sya ngondo sya kwakutalicila. Yeleyi yikwenela kutendekwa, nambo ngayikugopolela kuti mbesi ja cilambo capasi jiyice.

Nombe jemanja mŵeje mesope, ligongo ngamkumanyilila kuti msyene nyumba taciwuja ndaŵici, kanga ligulo, pakati cilo, kapena ndaŵi jijikulila tambala jwandanda, mwine kumasikusiku. Komboleka kwika mwacisisimucila, myoyo akamsimana mli mlugono. Yindu yele yingumsalilayi, ngangumsalila jemanjape iyayi, nambo ngwasalila ŵandu wosope kuti, aŵeje mesope.”

Mitundu ja ŵandu jakulekanganalekangana tijicimenyana ngondo, ucimwene tiwucimenya ni ucimwene ujakwe. Tikuciŵa kwana sala ni yisicinya ku malo gakulekanganalekangana, soni tikuciŵa kwana sala. Yosopeyi kuli kutanda kwa yisawusyo.

Kuli kwakusosekwa kuti Ngani Syambone* silongole kaje kulalicidwa kwa ŵandu ŵa mitundu josope.

Ŵandu ŵajinji taciyika acikolangaga lina lyangu nipo tacitiji kuti, ‘Mkulupusyo jwakulocesyedwa jula ni une,’ nipo tacasokonesya ŵandu ŵajinji.

“Nambo jemanja mkalamuce. Ŵandu tacimkamula ni kumpeleka ku nganya ja magambo, tacimkwapula m'nyumba syawo sya mapopelo. Timcija kuwonecela kwa acakulungwakulungwa ŵa Boma ni kwa ayimwene ligongo lya une, kuti mkandendele umboni pameso pawo.

Ligongo tikuciwoneka ŵandu ŵa unami ŵakusala kuti, ‘Klistu* jula ni une’ kapena kuti, ‘Jwakulocesya* jula ni une.’ Ŵanduwo tacitendaga masengo gamacili soni ni yindu yakusimonjeka, kuti naga yikomboleka ŵasokonesye atamose ŵandu ŵakusagulidwa ni Mlungu.

“Gele masikugo, yisawusyo yili yimasile, lyuŵa tilicibilila, mwesi tiwucileka kuŵala. Ndondwa tisicigwa kutyocela kwinani nipo macili ga kwinani tigacitenganyika.