Popular Bible Verses from Okubikkulirwa 6

Share

Ne ndaba, era, laba, embalaasi eya kyenvu, n'eyali agituddeko, erinnya lye Kufa, ne Magombe n'agenda naye. Ne baweebwa obuyinza ku kitundu ekyokuna eky'ensi, okutta n'ekitala n'enjala n'olumbe n'ensolo z'ensi.

Ne ndaba, era, laba, embalaasi enjeru, n'oyo agituddeko ng'alina omutego, n'aweebwa engule, n'agenda ng'awangula, n'awangulira ddala.

Bwe yabembula envumbo ey'okutaano, ne ndaba wansi w'ekyoto emyoyo gy'abo abattibwa olw'ekigambo kya Katonda, n'olw'obujulirwa bwe baalina

ne boogerera waggulu n'eddoboozi ddene, nga boogera nti, “Olituusa wa, Mukama, omutukuvu era ow'amazima, obutasala musango n'obutawalana ggwanga olw'omusaayi gwaffe ku bo abatuula ku nsi?” Ne baweebwa buli muntu ekyambalo ekyeru, ne bagambibwa okugira nga bawummula, okutuusa baweereza bannaabwe ne baganda baabwe lwe baliwera, abagenda okuttibwa, nga nabo bwe battibwa.

N'evaayo embalaasi endala eya lukunyu, era oyo eyali agituddeko n'aweebwa ekitala ekinene n'obuyinza okuggyawo emirembe ku nsi, abantu battiŋŋane bokka na bokka.

Kubanga olunaku olukulu olw'obusungu bwabwe lutuuse, era ani ayinza okulugumira?”

Bwe yabembula envumbo ey'omukaaga, ne wabaawo ekikankano kinene, enjuba n'eddugala ng'olugoye olw'ebyoya, n'omwezi gwonna ne guba ng'omusaayi; n'emmunyeenye ez'omu ggulu ne zigwa ku nsi, ng'omutiini bwe gukunkumula ebibala byagwo, nga gunyeenyezebwa empewo ennyingi.

Bwe yabembula envumbo ey'okusatu ne mpulira ekiramu eky'okusatu nga kyogera nti, “Jjangu.” Ne ndaba, era, laba, embalaasi enzirugavu, n'eyali agituddeko ng'alina ekigera mu mukono gwe. Ne mpulira ng'eddoboozi wakati w'ebiramu ebina nga lyogera nti, “Ekiyi ky'eŋŋaano kya ddinaali, n'ebiyi bisatu ebya sayiri bya ddinaali, kyokka amafuta n'omwenge tobyonoona.”

N'eggulu ne liggibwawo, ng'omuzingo gw'ekitabo bwe guzingibwa; na buli lusozi n'ekizinga ne biggibwawo mu bifo byabyo. ne bakabaka b'ensi, n'abalangira, n'abagabe, n'abagagga, n'ab'amaanyi, na buli muddu n'ow'eddembe ne beekweka mu mpuku ne mu mayinja ag'oku nsozi