Popular Bible Verses from Philippians 1

Share

Aasii nalupqisuŋitchuŋa God-im isagutipkaiŋaruam savaaġiksuamik iḷuvsiññi iglaupkaġniaġaa taamna naatiḷġataġlugu qaiñiŋanun aglaan Jesus Christ.

Uvva aŋaiyyutigivsi inna. Aŋaiyyutigivsi piviuttaqqutiliqsaiññaquvlusi, iḷumun ittuaġlu iḷitchuġisaiññaquvlugu, suli nalaunŋaniqsrauruamik sivunniutiksravsiññik, sivuniksraqtaaġiyumiñaqsiḷugu iłuaġniqsrauruaq. Tainna piguvsi, piḷuutiqaġniaŋitchusi pasirauniaŋitchusiḷu Christ qaikpan.

Qanuq iñuunimni iñuusiġisutualukkiga savautilugu Christ. Aasii tuqugaluaġuma uvamnun anniqsuutaułhaaġniaqtuq.

Quyyavigisuugiga God-tiga itqalimaaqavsi

Uvva una naumałhaaqtuq. Iñuuruksraupiaqtusi Christ iñuutqutaatun iñuŋmiñun, uvaŋa tautukkaluaġuvsi naagga tautuŋitkaluaġuvsi, tusaayumiñaġumauŋa atipiaġataqłusi iñuutilaavsiññik atausiq sivuniġivlugu una, taluqsraŋaiqł̣usi quliaqtuaġitilaaŋanik tusaayugaaġiksuaq iñuich ukpiqtirrutiksraŋat God-mun.

Kipiġniupiaġataqtuŋa piyummatigipiaġigalu suuramikunnii inuqtitchisuŋił̣ł̣uŋa piraksriusiamnik Christ-miñ, aglaan ataramik paŋmapak-unnii qapiŋairrutiqapiaġuktuŋa supayaatigun pikkapkun Christ nanġausiaqaquvlugu, iñuugaluaġuma naagga tuqugaluaġuma.

Qanuq Christ ukpiġumiñaqsigiññaŋaitkaasi inmiñun aglaallu nagliksautigipkaġumiñaqsivḷuni ilivsiññun.