Popular Bible Verses from Matthew 16

Share

Tavrani Jesus uqallautiŋagai iḷitchitqurani, Kialiqaa maligukkumiŋa piruksrauŋitchuq ilaan pisukkamiñik, iqsriutilugu aŋarraurani, itqanaitchuksrauruq tuqqutigiyumiñaġluŋaunnii.

Aasii uqallautigikpiñ, ilivich Peter-aurutin, sivuniqaqtuaq Uyaġagmik, aasii taavrumuŋa uyaġagmun nappaġniaġiga aŋaiyyuviga, aasii suaŋŋatipayauraŋisa Tuunġaum payariyumiñaitkaat.

Aitchuġniaġikpiñ pitchiġiiyautiŋiñik Atanniqsimmataata Taavruma qiḷaŋmiittuam. Taamna sivuniqaqtuq pitquŋisasi Aŋaiyyuvimñi nunami pitquniaŋiñmigai Taavruma qiḷaŋmiittuam, aasii supayaat pipkallakkasi nunami pipkallaniaġmigai Taavruma qiḷaŋmiittuam.

Qanuq iñuk iñuullatuvaił̣aktuaq tammaiñiaqtuq iñuggunmiñik, aglaalli iñuk sullatuaġumiḷu atiruaq tuqqutiyumiñaġluŋaunnii, tammaiyumiñaipiaġaa iñuggutini.

Iñuk suġallakkaluaġumi supayauranik nunamiittuanik aasii tammautigilugich, ilaa suuramikunnii anniqsuġumiñaitchuq inmiñik. Sumik piitchuq iñuum simmiutiksraŋanik iñuggunmiñun.

Ilaan apiġiŋagai, Ilivsiḷimi kiunivisiŋa? Simon Peter uqallaŋaruq, Ilivich Christ-gurutin, Iġñiŋa iñuuruam God-im.

Jesus kiuŋagaa, Quviatchaktitaugiñ Simon iġñiŋa John, qanuq iñuum satqummiŋaitkaa iliŋnun taamna uqallautin, aglaan Aapama qiḷaŋmiittuam.