Popular Bible Verses from Matthew 15

Share

Aglaan suna pigiitchuaq uqaluk aniruaq qanikun aullaqivluni isumaqaġvianiñ, taavruma piḷuksipkaġaa iñuk. Qanuq iñuum isumaqaġvianiñ salapqiġuurut pigiitchuat isumat piḷġusiġiitchuallu, iñuaġutit, allatuutit, tigligautit, saglutiginnigniġich, tiġlirautit.

Taavruma qaniġmuktuam niġiruatun piḷuksipkalaitkaa iñuk, aglaan taavruma aniruam qaniġmiñ, uqaluum piḷuksipkaġumiñaġaa iñuk.

Iliŋisa iḷumutun savautiŋitkaanŋa aŋaiyyuvigiluŋalu, qanuq iḷisaurrirut iñuich pitquraliaŋiññik, God-mun pitquraġiruatun iḷivḷugich.” Jesus uqallavsaaŋaruq, Kamagiŋitkisi God-im pitquraŋi, kamagiłhaaqługich piḷġusiḷiaŋich iñuich.

Tavra Jesus kiuŋagaa, Aġnaaq, kamanapaluktuq ukpiġutin. Taŋŋiġḷi kipiġniuġutin. Tavra pania iłuaqsirauŋaruq tavrauvvaa.

Tavra aġnaq qaivḷuni sitquŋaruq sivuġaanun uqaqłuni, Ataniiq, ikayuŋŋa. Tavra ilaan kiuŋagaa, Nalaunŋaŋitchuq tigulugu miqłiqtut niqaat aitchuutigiruni qimmiñun. Aġnaq uqallaŋaruq, Aaglukiaq Ataniiq, naaggaptauq marra qimmich unnii niġisuummiut kanġallugnik kataktuanik iñuŋmiŋ niġġiviŋiññiñ.