Popular Bible Verses from Matthew 14

Share

Aglaan iḷitchuġikami anuġimik naŋialiŋaruq, aasii kivisaaqsiruiññaqami nipaalaŋaruq, Ataniiq annautiŋŋa. Jesus tavrauvvaa isaaŋagai argagni aasii tiguvlugu, uqallautivlugu, Ilivich ukpiġutikitchuatiin. Summan nalupqisukpich?

Aglaan iḷitchuġikami anuġimik naŋialiŋaruq, aasii kivisaaqsiruiññaqami nipaalaŋaruq, Ataniiq annautiŋŋa.

Tavra tavrauvvaa ilaan uqallautiŋagai, quviatchaktitausitchi. Uvaŋauruŋa. Iqsiñasi.

Tavra Peter-m kiuŋagaa, Ataniiq, iliviupiaġuvich tuksiŋŋa iliŋnun qaitquluŋa immakun. Jesus kiuŋagaa, Qaiñ. Tavra Peter niuŋaruq umiaqpauramiñ aasii pisuaqłuni immam qaaŋagun ullaŋagaa Jesus.

Aasii taapkua umiaqpauramiittuat sitquġvigiŋagaat kamanniuġvigivlugu uqaqłutiŋ, Iḷumun Iġñiġigaatin God-im.

Jesus uqallaŋaruq, Aullaŋitkumikunnii suŋitchut, ilivsi aitchuqsigik sunik niqiksraŋiññik. Ilaisa uqallautiŋagaat, Tallimanik punniġutiqaqsiññaqtugut malġugniglu iqalluŋnik.

Jesus uqallautiŋagai, Qaġġisisigik uvamnun. Tavra ilaan piraksriŋagai iñusalaich aquvitquvlugich iviŋnun, aasii tiguvlugich tallimat punniġich malġuglu iqalluk aaġluŋaruq qiḷaŋmun, aasii quyyavigivlugu God. Tavraasii avguqługich aitchuutigiŋagai punniġich iḷitchitquranun, aasiiḷi iḷitchitqurat aitchuutigivlugich iñusalaŋnun.

Tavra iluqaġmiŋ niġiŋarut pisuġuiqsuaqłutiŋ. Aasii iḷitchitqurat katitchiŋarut qulit malġugnik aguummagnik siḷiviłługich avguanik iḷakunik.