Popular Bible Verses from 1 Thessalonians 5

Share

Quviasugitchi ataramik, aŋaiyyutiqaġitchi ataramik iḷuvsiññi, quyyavigisiuŋ God iluqaisigun piruatigun ilivsiññun, qanuq tainna God-im pitqugaasi, ilivsi atausiŋŋuqatauŋaruasii Christ Jesus-mun.

God-iptuq tutqiutiqaqtitchiruam qaunagilisi piḷuksitchaiḷiḷusi suuramikunnii, ilitqutchisiḷu, iñuggutisiḷu, timisiḷu suaŋatuiññaġumiñaqsiḷugich, pasiñaġumiñaiḷḷugiḷḷu qaikpan Ataniqput Jesus Christ. God ququaqtiksi miqłiqtuġisukłusi ukpiġnapiaqtuq, suli ilaan taŋŋiqsinniaġai taapkua.

Iñuum pimaqłukpasi, suuramikunnii akisaġnasi pigiitchuamiktauq, aglaan ataramik nakuurualiqiniaġlusi avanmun iñupayaanullu.

Tamatkua pisigilugich, qapiŋaisaaġutisitchi avanmun sivunmuktuqatigiigḷusiḷu, tainna pigaluaġmiḷḷavsi.

Aasii siḷġiqsuġivsi, aniqatiit, tiliuqsigik ittuaqtit, qapiŋaisaaqsigik qapiŋasiruat, ikayuqsigik suaŋaitchuat ukpiġunmiŋni qimmaksautairrutilugich iluqaisa.

Qanuq God-im sivunniŋaitkaatigut tatavsaunmun, aglaan piññaktaaġitquvlugu annaun Ataniptigun Jesus Christ-kun

Qanuq iluqasi miqłiqtuġigaasi qaummaum uvluvlu, nalaunŋarualiqirauvlusi. Miqłiqtuġiŋitkaatigut taaqtuam unnuavlu, pigiitchuanik savaaqaġluta.