Popular Bible Verses from 1 Thessalonians 4

Share

Aasiiḷi uvagut iñuuruaguut mayuurrauniaqtugut piqatigilugich nuvuyanun, paaġlugu Ataniq siḷami, aasii nayuaqsiḷugu ilaa isuitchuamun.

Qanuq Ataniq ilaa atqaġniaqtuq qiḷaŋmiñ ququullatigilugu kamanaqtuaq piraksriun, qaukłiata isaġulgich ququullataanik, suli nipaanik God-im nipauqłuktautaata. Aasii tuquŋaruat, atausiŋŋuqatigiŋavlugu Christ, aŋiqqaaġniaqtut.

God-im iñuutqugaasi iñuusiqaġlusi ilaaguaqtauŋaruanik inmiñun, iḷaksiaŋaiġḷugu allatuun, ilivsi atausiullaalusi iḷisimatquvlusi qanuq qaunaginaqtilaamik inmun, piḷuutaiññiaqłuni, suli nalliummatiluni God-mun pigiyumiñaqsiḷuni.

Ukpiġikaptigu Jesus tuquŋanivḷugu aasii aŋimmivḷuni, tainnatuttauq ukpiġiyumiñaġmigikput Jesus qaitqikpan, God-mun qaiqatigipkaġniaġniḷugich ilaanun tamatkua siñiksaŋaruat tuqqunmi.

Kipiġniuttaġiqpaksiuŋ iñuusuglusi piallataiḷḷusi, suli iḷaksiaŋaiġḷugich allat iñuich, akiññagniḷuglusi iñuuniḷuutiksravsiññik, tuvraġlugu piraksriutikput ilivsiññun.

Qanuq uvva God-im sivunniutigiŋaitkaa uvagut iñuutquluta piḷuunmi, aglaan iñuuniaquvluta piḷuutaiḷḷuta.