Popular Bible Verses from Nsaŋ 15

Share

Ya co rɛsɛn tumndo ni, niaa co lɛwvon ni. Vana lo o ya nin pɛ, mì ya i lo ndu nin, ndu kom taw, kani te o co o ya nin te, la nɔla ɲɛ-ɲɛ tosaa le.

La lo o ya nin, mì lo niaa nin. Lɛwve nɔla komɔɔ a ba ndɔ le, te i lo i yiinan-nde o yɔm tumndo le. Lende koni, te la lo o ya nin te, la nɔla komɔɔ le.

Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa.

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Kaola kɛ́-kɛ̀ hiw kaola vana yɔngu yoomu ndɔɔ le caaŋaa ndɔa-o le.

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Tɔŋ nuu co hoo ni: La kaolian vellaa-velle maa mɛɛ ya kaola niaa yɛ.

La yɔngu pɛ komɔɔ kɛndɔɔ taw, mì la siŋnun kaandeŋaa nia, Fuɲa nuu sɔla biiloo.

Mí Yeesu dimi aa: «Ya co rɛsɛn tumndo ni, Fuɲa nuu co vana nakɔɔ ni.

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

I dimul niaa ndi lende, haliko mi ɲaale nuu va niaa o kɔl, o kon mì ɲaale niaa peelun.

Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.

Tɔŋ ya co niaa hendu-o co hoo ni, la kaolian vellaa-velle.»

Te niáà va pɛ le ceendo, ceendo va niaa kaolaa, kani le ndu niáà vanin ni. Kɛ le mɛɛ niaa co le ceendo le yɛ, nduyɛ mí hɛli niaa fulaa o ceendo nin, lelan ceendo nɔ nɛyɔn niaa ni.