Popular Bible Verses from Nsaŋ 14

Share

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Mí Yeesu dimul kaandeŋaa ndɔa aa: «Kɔlta niaalan la sanga le, la laalan Hala mì la laalan ya vɛlɛ.

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

Vana co tɔŋnda nilan mandanndo o kɔl mò va kelaa lecoo-o, ndu kaola ya ni. Vana kaola ya pɛ, Fuɲa nuu kaolanin ndu, ya bɛɛ i kaolanin ndu mì cɔmnun ndu.»

o kon, i piɛinin Pua, mò ke niaa vana ɲɔɔlaa celen, o vanin niaa ikɛi le lɔ́ɔ́-lɔ́ɔ̀-o: ndu co Kɔl toɲaa ni, o ceendo nɔlà sɔla loo, kani o co ndu cɔ le, o sina ndu le. Kɛ niaa la sina ndu, kani o co niaa ikɛi, o vanin niaa nin.

Ɲɛ-ɲɛ niaa ɲunanin o diola nilan, i tosanin kon, haliko mi Pua sɔla biiloo o Poo nin. Te la ɲuna pɛ ɲɛ o diola nilan, i tosanin ndu.»

«Te la kaola ya pɛ, mɛɛ la biinin sɔɔn ya co niaa dimullo-on

Fondalan la co taw o Fuɲa nuu lo cɛinin, te ndóò ve toɲa le, i va niaa dimul. Kɛ fondaa ya co lakɔ niaa toosial ni.

Lelan, te i kɔɛ pɛ mì kɔ bɛɛndial niaa fondaa, i muungunin, mì hun kɔ a niaa, haliko mi niaa bɛɛ la kɔ va nɛɛ ya co-a.

Mí Tomas dimul ndu aa: «Maalii, n sinà nɛɛ n co kɔlan-nda le, vɛ̀ɛ̀ naa n sina yɛnin nɛiyo le kɔlan ndon?»