Popular Bible Verses from Nsaŋ 16

Share

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Telen Kɔl toɲaa hunnin-ndo, o cɔmnin niaa dɛnndan kpow o toɲaa nin, kani sɔɔn o diminin-ndon fulanin o ndu pila nin te, kɛ o dimulnin niaa sɔɔn o tuɛinin-ndon kpede, mò dimul niaa dɛnnda hun tosannin-ndan.

Haa hau, la piɛi-yɔ ɲɛ-ɲɛ o diola nilan te. La piɛi mì la sɔla, haliko mi ɲaale niaa peelun.»

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu. Telen o hunnin-ndo, o cɔmnin vanndacieea o ceendo ho coo maa a co o pɔwlan nin a dɛnɛ hakio o kɔɔ, a dɛnɛ sandei o kɔɔ a á dɛnɛ yamɛi kiolɔɔ o kɔɔ.

Lende koni, niaa bɛɛ, mɔnɛi co niaa o lakɔl sunsun, kɛ i canin niaa vɛlɛ, mì kɔlta niaalan la dɔwnun ɲaale, vana-vana nɔlanin ɲaale niaa poonda le. Paale len, la ɲuna lɛnin ya isɔɔ oo isɔɔ le. I co niaa toɲaa dimul kpendekele, ɲɛ niaa piɛinin Pua o diola nilan-ndo, o kenin niaa ndu.

I co niaa toɲaa dimul kpendekele, la caŋnin mì la cɛɛŋun, mì ceendo ndu dɔwnun ɲaale. Mɔnɛi biinin niaa, kɛ mɔnɛi niɛi ken siŋnunnin ɲaaloo.