Popular Bible Verses from Lukə 4

Share

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo, əgɛ, ŋą Yálá nwɔ mɛ̨inɛ̨ɛ̨ kɛ kwɛlan mąą mɛ̨nį laa həli nuą diɛ.»

Jesus ə nwoo pulu pənə yɛ mą: «Bɛɛn Yálá laawoo hɛɓɛ́ hu yɛ mą: ‹Kwɛli hvilɛn Ną́mu Yálá yaa tɔ̨nɔ̨ ma. Ə́ tiɓo kɛ mą.›»

Jesus ə nwoo pulu pənə yɛ mą: «Bɛɛi Yálá laawoo hɛɓɛ́ hu yɛ: ‹Nu hva yɛnɛ̨ɛ̨ kɛ lɔ a laa mį́į́ hɛn yaa tɔ̨nɔ̨.›»

Jesus kulaa kɛa Ɉurdɛn hu, Kili-Mąąhəɠɛɛ ə naahvɛɛ. Kili ə ɉəɠə ə li la nɔi pun ɉu.

Jesus ə nwoo pulu pənə yɛ mą: «Bɛɛi Yálá laawoo hɛɓɛ́ hu yɛ mą: ‹Ho Ną́mu Yálá hu kɔ́ɔn.›»

Yii kɛa nąnį ə Jesus ŋąąhɛŋin a kpaalə huwu kəlee, ɲee hvo pɛli mą, ə nɛɛ laa, yɛ lɔwai takpɛli mąąkpɔn.

Nąnį ə ɉəɠə ə li la yee kwɛa ta tonna ə yɛnɛ̨ɛ̨ tɔɔlaaɠaa kəlee lɛ mą kpɔlɔ ŋąąɓa. Yɛ Jesus ɓa: «Ŋą́ pɛli ŋą dɔɔlaaɠaa ŋɛ̨i kəlee di wɔ huwalawala da ɉu hɛn gɔw tɛɛ ə́ pɔ, gəlee kaa a ɲą́ą́ nwɔ́, nui ŋą kɛ bɔ, ya ɓə ŋą dɛɛ bɔ. Akɛ ya kwɛli hvilɛn mą́ą́, ŋą gəlee tɛɛ ə́ pɔ.» Jesus ə nwoo pulu pənə yɛ mą: «Bɛɛn Yálá laawoo hɛɓɛ́ hu yɛ mą: ‹Kwɛli hvilɛn Ną́mu Yálá yaa tɔ̨nɔ̨ ma. Ə́ tiɓo kɛ mą.›»

Yili pulu, ɓilihi ə ɉəɠə ə li la Ɉerusalɛmə, Ɉuifəɠaa di wɔ Yálá hee pɛ́lɛ́i tonna, yɛ mą: «Akɛ Yálá Lon ɉulɔnu ɓaa a yɛ́, teen, ə́ hvilɛn nɔi ɓa; mąąhɔlɔɓo, bɛɛi Yálá laawoo hɛɓɛ́ hu yɛ mą: ‹Yálá a mo nwɔ malakaɠaai diɛ, di pa di di yee hee ə́ mu. Ə gɛ, hvo pa ə́ kɔ́wɔ tuwɔ kwɛni ɓa.›» Jesus ə nwoo pulu pənə yɛ mą: «Bɛɛi Yálá laawoo hɛɓɛ́ hu yɛ mą: ‹Ho Ną́mu Yálá hu kɔ́ɔn.›»