Popular Bible Verses from Lukə 3

Share

Ɉaan ə nu kpului tii mąąwaa lɔ, ə Jesus yaa kpɛli mąąwaa. Ɓɛlɔwai ə kɛi Yálá hvɛli la, yələkɔlɔn nąą ə ɓo; Kili-Mąąhəɠɛɛ ə yɛɛ mɛ̨i yɛ tonwələn. Woo ta ə tɔɔ yɛ həɠə yələkɔlɔn ɉu, yɛ kɛ mą: «Yɛ́ ɓə ə́ kaa a nííɓa Lon ɉulɔnu, yii nwɛli kaa mą́ą́; ŋą́ą́ nííɓa mɛ̨nįɠaa kəlee lɛɛ yɛ́.»

Ɉaan ə mo nuą tii kəlee diɛ, yɛ diɛ: «Nwɛ́i gáá ka mąąwaai yai; kɛlaa, nu ta kaa pai pai, huwalawala kɛnɛ̨ kaa ɲəi dɛɛ mą́ą́, ɲą́ mąą hvo nɛ̨ɛ̨li kpɛli a ŋą kɔ́lɔ laa yili yɛli hvólóon mun. Gaa pai ka mąąwaai a Kili-Mąąhəɠɛɛ da nwɔ̨n.

Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Yili mąą mɛ̨nį ɓa: Ɲowa ɲąą a hee nwulu hamu ɓa. Wului lɔpee a wala ɓa, a nɛlɛɛ, da dee, ə kɛ a kwɛi di gələn.»

Yili ə kɛ tii, əgɛ, mɛ̨nį Yálá kwəi mɛ̨nį hukulɔ mun Esai ə bɛ̨ɛ̨ nąą ə hvɛɛ; ə bɛ̨ɛ̨ yɛ mą: «Nu ta woo kaa tɔɔi ɲɛa lɔi pun ɉu, yɛ kɛ mą: Ka Ną́mu nwɔ pələi pɛli ka bələ pɛlɛɛɠaa kəlee haŋą. Ka molonŋąa kəlee laahvɛɛ, Ka ɲee kpɛa-kpɛaɠaa kəlee taɠa. Ka bələ huhiɛɛɠaa kəlee haŋą, Ka nowa pɛlɛɛɠaa kəlee hu kpulu. Yálá nwɔ nwun mąąɓo laa yii aa dɛɛ, nu kəlee kaa pai gaai.»