Popular Bible Verses from Lukə 1

Share

Mąąhɔlɔɓo, mɛ̨nį ta hvo walawala li Yálá yəi.»

Nąąlɔwai, Mari ə mo malaka ɓa yɛ mą: «Gáá a Ną́mu Yálá nwɔ luwɔ nɛ̨ą, mɛ̨nįɠaa tii ə́ mo, ɲéé kaa gəlee mu, ə kɛ yɛ pələi ə́ mo la.» Yili pulu, malaka ə li.

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Mari, nwun na nɛ̨ɛ̨mun mąą a yɛ́, mąąhɔlɔɓo, mɛ̨nį ŋɛ̨i Ną́mu Yálá ə mo malaka ɓa yɛ pa moi yɛ́, yáá laa na yɛ́ diɛ: nąą kaa pai hvɛɛi.»

Ə́ kaa pai koo həɠəi, ə́ lon ɉulɔnu hɔlɔɓo, ə́ naa hee a Jesus. Nokoloi tii kaa pai kɛnɛ̨i, di naa hee a Yálá yii gaa hɛn gəlee nwun mɛ̨i non ɉulɔnu. Ną́mu kaa pai gɛi a tɔɔmun yɛ pələi galaɓɔlɔ Davidə ə kɛ la. Gaa pai tɔɔlaa kɛi Israɛlə lɔi nwun na, nwɔ tɔɔlaai kpɛlai hva kɛ mą.»

Malaka ə mo mą, yɛ mą: «Mari hvo ɲɔw, mąąhɔlɔɓo, Yálá aa ɲɛ̨i lɛlɛɛ hee yɛ́.