Popular Bible Verses from Markə 16

Share

Yili pulu, Jesus ə mo diɛ, yɛ diɛ: «Ka li yɛnɛ̨ɛ̨ nąą kəlee, ka wəlɛɛ lɛlɛɛ laa həli hį́i kəlee ɓa.

Nuąi da laa nwəlɛɛ lɛlɛɛ la, kpalo mɛ̨nįɠaai di kaa pai kɛi gɛi náá hu, diɛ ka: di kaa pai kɛi ɲinɛnŋąą kpɛi nuą pulu, náá hu, diɛ hį́i woo takpɛliɠaa ɓo. Di kaa pai kɛi kaaləɠaa hon ɉi a di yee, ə mą kɛ daa pili mąą hɛn da kpələ, hva hɛn da kɛ a diɛ; da di yee laa ɲɔ̨n gɛ nuą mɛ̨i, di kɔ́lɔi a pono.»

Nui a laa na, da mąąwaa, nwun mąą a ɓo. Nui a wala laa na, nwun na a pili.

Galan nɛa di pənə di pulu, diɛ Yálá laawoo laa həli kɛɛnąą kəlee. Ną́mu ə kɛi kpɔnmąą tɛɛ di pɔ́ gólói tii kɛ mɛ̨nį hu, yɛ di wɔ kalan gɛ woo kɛ a tɛ̨ą, kpalo mɛ̨nįɠaa kɛɛ hu.

Ɉulɔnu tii ə mo diɛ, yɛ diɛ: «Ka hvo ɲɔ̨w. Jesus Nazarɛtə mun ŋɛ̨i di gbanwo kolɔwa ɓa, ya ɓə ka ka gwɛli, hvo kɛa ɓɛ, aa nwun aa kulɔ haaɓɛlaa lɔwai. Ka pa, ɓɛi ə kɛ laa, ka nąą kaa.

Di lɛɠɛɛ kɛa nąą, di di ɲɛ̨i hee kɛa gámą la di nąą kaa, di gwɛni kaa giliɠilin ŋąą, Ɉəɠɛɛ gámą laaləi, yaan gwɛnii tii kɛnɛ̨i kpɔ kɛ a mɔlɔɔ. Di həliɛ kɛa gámą la, di gámą hu kaa, hulɔnu da yɛ ɓo heeni gámą hu ɓa-mįi-yee hu pələ, həɠə kwəlɛɛ yɛ ɓo gwaną. Nɛ̨ąą tii di ɲɔ̨w kpɔ a mɔlɔɔ.