Popular Bible Verses from ကမ္ဘာဦးကျမ်း 18

Share

ထာဝရဘုရား​အတွက် ခက်ခဲလွန်း​သော​အမှု​တစ်စုံတစ်ခု​ရှိ​သလော​။ သတ်မှတ်​ထား​သော​အချိန်​တည်းဟူသော နောင်နှစ် ဤသို့သော​အချိန်အခါ​၌ ငါ​သည် သင့်​ထံသို့ ပြန်လာ​မည်​။ စာရာ​သည်​လည်း သား​တစ်​ဦး​ကို ရရှိ​လိမ့်မည်​”​ဟု မိန့်​တော်မူ​၏​။

ထို့ကြောင့် စာရာ​က “​အိုမင်း​ပြီးမှ ငါ​၌ သာယာပျော်ရွှင်မှု​ရှိ​လိမ့်​မည်လော​။ ငါ့​သခင်​သည်​လည်း အသက်ကြီး​ပြီ​”​ဟု မိမိ​စိတ်​ထဲ၌ ရယ်​လျက်​ဆို​လေ​၏​။

အာဗြဟံ​သည် အမှန်ပင် ကြီးမြတ်​သော​လူမျိုး​၊ အင်အားကြီး​သော​လူမျိုး​ဖြစ်လာ​မည်​။ ကမ္ဘာမြေကြီး​ပေါ်​ရှိ လူမျိုး​အပေါင်း​တို့​သည်​လည်း သူ့​အားဖြင့် ကောင်းချီးမင်္ဂလာ​ခံစား​ရ​ကြ​လိမ့်မည်​။

အာဗြဟံ​သည် ချဉ်းကပ်​လာ​၍ “​ကိုယ်တော်​သည် ဖြောင့်မတ်​သော​သူ​ကို ဆိုးယုတ်​သော​သူ​နှင့်အတူ အမှန်ပင်​ဖျက်ဆီးသုတ်သင်​တော်မူ​မည်လော​။ ထို​မြို့​ထဲ​တွင် ဖြောင့်မတ်​သော​သူ အယောက်​ငါးဆယ်​ရှိ​လျှင် ကိုယ်တော်​သည် မြို့​ထဲ​ရှိ​ဖြောင့်မတ်​သော​သူ​အယောက်​ငါးဆယ်​အတွက် ထို​အရပ်​ကို ချမ်းသာ​မ​ပေး​ဘဲ အမှန်ပင်​ဖျက်ဆီးသုတ်သင်​တော်မူ​မည်လော​။

ထာဝရဘုရား​က​လည်း “​သောဒုံ​မြို့​ထဲ၌ ဖြောင့်မတ်​သော​သူ​အယောက်​ငါးဆယ်​ကို ငါ​တွေ့​လျှင် သူ​တို့​အတွက်ကြောင့် ထို​အရပ်​တစ်ခုလုံး​ကို ငါ​ချမ်းသာ​ပေး​မည်​”​ဟု မိန့်​တော်မူ​၏​။