Popular Bible Verses from Amarkɩ 9

Share

Tɩ Azezi lerge ẽ yetɩ: «Bẽm tɩ fʋ yetɩ, fõn sãn tãna? Nẽr-sɛka woo n bɔ Nawẽnnɛ sɩra, a tã wʋn ẽŋɛ sɛla woo bɔ ẽ mɛ.»

Bilam mẽŋa tɩ bia la sɔ tɔgɛ ke'enke'em yetɩ: «Mam bɔ sɩra, la sõŋɛ mam tɩ m bɔ sɩra pa'asɛ.»

La Azezi daan kẽ la deem, ẽŋa la a karẽnbiisi la mã'a, tɩ ba soke ẽ yetɩ: «Bẽm tɩ tõma ka tã'agɛ dige kʋlkã'ar-ẽna?» Tɩ a lerge ba yetɩ: «Sãn dagna pʋ'ʋsgɔ, sɛla sɛla ka boe n tã wʋn dige kʋlkã'ar-ẽna buuri.»

Yaarʋm ãn sõŋa mɛ, la yaarʋm sãn sabgɛ, ba wʋn ẽŋɛ la wãne botɩ a le ãna yẽlʋm? Ãna-ya wʋ yaarʋm n tarɩ yẽlʋm se'em na, dee tara sũ-mã'asʋm la taaba.»

«Nẽra sãn to'oge bi-pɩka ẽna tadãana mam yʋ'ʋrɛ ĩyã, a to'oge la mam mẽŋa, la nẽra sãn to'oge mam mẽŋa, la dagɩ mam tɩ a to'oge, a to'oge la sɛka n tõm mam na.»

Mam yetɩ ya la asɩra, tɩ nẽra sãn bɔ ya ko'om tɩ ya yũ, yãma n de mam n de Krisi nẽrba la ĩyã, ẽŋa dãana kãn koŋe a yɔɔrɔ.

La nẽra sãn botɩ kɔm-pɩgsɩ bãna wã n bɔ mam sɩra la ayɩla basɛ Nawẽnnɛ sore, sɩbgrɛ sɛka tɩ a wʋn yẽ la, ba sãn dɩkɛ nẽerɛ kug-kãtɛ lʋ yulse a yugla lobe ẽ basɛ ko-kãtɛ pʋam n sõɩ.

La fʋ nifo sãn yetɩ a botɩ fʋ basɛ Nawẽnnɛ sore, fʋ kɩrgɛ ẽ basɛ, se'ere n soe la, fʋ sãn tara nin-yẽŋɔ dee kẽ Nawẽnnɛ so'olʋm, n sõɩ fõn wʋn tara nini bayi dee tɩ ba lobe fʋ basɛ bug-tẽŋa