Popular Bible Verses from Amarkɩ 10

Share

Se'ere n soe la, Nẽrsaala Dayʋa la ka wa'am tɩ nẽrba tõm bɔ ẽ, a wa'am tɩ a tõm mɛ bɔ, dee dɩkɛ a vɔm bɔ tɩ nẽrba zozo'e yẽ fãarɛ.»

Tɩ Azezi bɩsra ba dee yetɩ: «Nẽrsaala ka tã wʋn ẽŋɛ bõn-ẽna, la Nawẽnnɛ tã wʋn ẽŋɛ mɛ. Se'ere n soe la, Nawẽnnɛ tã sɛla woo ɩta mɛ.»

Tɩ Azezi yele ẽ yetɩ: «Sẽŋɛ, fõn bɔ mam sɩra la ĩyã tɩ fʋ yẽ laafɛ.» Tɩ fʋa la yẽta bilam mẽŋa, dɔla Azezi sore la zuo.

Bɛla, sɛla tɩ Nawẽnnɛ lagɩm na taaba, nẽrsaala da welge ba.»

Tɩ Azezi bɩsɛ ẽ nõŋɛ ẽ, dee yele ẽ yetɩ: «Sɛla ayɩla n deege dɛna fʋ ẽŋɛ: Sẽŋɛ ka koose fõn tarɩ sɛla la wuu dɩkɛ ligri la bɔ nasdõma, tɩ fʋ wʋn yẽ bõntarsõm Nawẽnnɛ yire, dee wa'am wa dɔla mam.»

Tɩ Azezi soke ẽ yetɩ: «Fõn boorɩ tɩ m ẽŋɛ la bẽm bɔ fɔ?» Tɩ a yetɩ: «M Zuudãana, mam boorɩ tɩ m le yẽta mɛ.»

La yãma pʋam, la kãn dɛna bɛla. Nẽr-sɛka n boe ya pʋam bɔɔra tɩ a lebge nẽr-keko, la masɛ mɛ tɩ a dɛna ya tõntõnna.

Mam yetɩ ya la sɩra, tɩ nẽr-sɛka n ka sakɛ tɩ Nawẽnnɛ sɔna ẽ wʋ bia la, a kãn kẽ Nawẽnnɛ so'olʋm pʋam.»

La nẽŋam dõma zozo'e wʋn lebge poorʋm dõma, tɩ poorʋm dõma lebge nẽŋam dõma.»

La halɩ dũnia pĩ'iluŋo, Nawẽnnɛ n yʋʋn nãam nẽrsaalba la, a nãam la bʋraa la pɔka. Bɛla ĩyã tɩ bʋraa wʋn basɛ a sɔ, la a ma, dee lagɩm na a pɔga. La ba ka le dɛna bayi, ba lebge la ayɩla.