Popular Bible Verses from Amarkɩ 14

Share

Dee yetɩ: «M Sɔ, fõn tã sɛla woo ɩta, basɛ tɩ nãmsgɔ ẽna fõrgɛ dee basɛ ma. La, la da kãn dɛna mam n boorɩ se'em, la dɛna fõn boorɩ se'em.»

Dee yele ba yetɩ: «Basɛ-ya gẽem dee pʋ'ʋsɛ Nawẽnnɛ tɩ yelle da paagɛ ya tɩ ya lui. Ya sɩa la boorɩ mɛ, la ya ĩyã ka tara pãŋa.»

Mam yetɩ ya la asɩra, tɩ dũnia wã zẽ'e-sɛka wuu tɩ ba wʋn wa mõolɛ Nawẽnnɛ kõ-yẽlga la, ba mẽ wʋn tɔgɛ pɔka wã n ẽŋɛ mam se'em wã, tɩ ba tẽra a yelle.»

Tɩ a yele ba yetɩ: «Sũ-sã'aŋɔ n tarɩ mam zozo'e tɩ mam ãna wʋ m yetɩ m ki mɛ na. Weege-ya kalam gu'ura, da gĩse-ya.»

La ban daan diti la, tɩ Azezi dɩkɛ borborɩ pʋ'ʋsɛ Nawẽnnɛ, dee fiise bɔ a karẽnbiisi la yetɩ: «To'oge-ya di, ẽna wã de la mam ĩyã.»

Dee dɩkɛ bõn-yũula pʋ'ʋsɛ Nawẽnnɛ, dee bɔ ba, tɩ ba wuu yũ. Dee yele ba yetɩ: «Bãna wã de la mam zɩɩm n wʋn yese saagɛ nẽrba zozo'e ĩyã, pa'alɛ tɩ Nawẽnnɛ bĩŋe nõorɛ la ba.

Tɩ Azezi yele a karẽnbiisi la yetɩ: «Yãma wuu wʋn lebe la poorʋm dee basɛ mam, se'ere n soe la, la gʋlsɛ Nawẽnnɛ gõŋɔ pʋam yetɩ: ‹Mam wʋn kʋ dũnsĩina dee tɩ piisi la wɩrgɛ.› »

Isge-ya tɩ sẽŋɛ, tɩ sɛka n wʋn pa'alɛ tɩ ba yõkɛ mam na n wãna sẽm.»

Tɩ Azezi yele ẽ yetɩ: «Mam yetɩ fʋ la sɩra, tɩ zĩna, yʋ'ʋŋɔ ẽna wã, lan dẽŋɛ nõ-rɔɔgɔ n wʋn kaasɛ nõorɛ ayi, fʋ wʋn sɩ'ɩsɛ nõorɛ atã tɩ fõn ka mi mam.»