Popular Bible Verses from Amarkɩ 13

Share

Nẽrba zozo'e wʋn sise ya mam yʋ'ʋrɛ ĩyã. La nẽr-sɛka n wʋn mõrgɛ ze'ele kãŋkãŋɛ ka paagɛ ba'asgɔ wʋn yẽ fãarɛ.

Guuse ya mẽŋa sõŋa, la ya mãasʋm, se'ere n soe la, ya ka mi wakatɛ la.

La ba sãn wa yõgɛ ya tarɩ sẽŋɛ ka sãm sarɩyadia zẽ'am, ya da fabla yãma n wʋn tɔgɛ se'em, wakatɛ sãn wa paagɛ, tɔgɛ-ya yetɔg-sɛba tɩ Nawẽnnɛ wʋn bɔ ya la, se'ere n soe la, la dagɩ ya mẽŋa n wʋn tɔgɛ, la de la Nawẽnnɛ Sɩa n wʋn sõŋɛ ya.

Saazuum la tẽŋa wʋn tole mɛ, la mam yetɔga kãn malɩn tole.

Nẽra nẽra ka mi daar-sɛka la wakat-sɛka tɩ Nẽrsaala Dayʋa la wʋn leme wa'am. Baa malɛkadõma n boe Nawẽnnɛ yire, bɩɩ Dayʋa la mẽŋa ka mi, sãn dagna Sɔ Nawẽnnɛ mã'a.

Ya sãn wa wõm zɛbrɛ dãmnɛ, la zɛbrɛ yelle, da basɛ-ya tɩ dabeem kẽ ya, dẽnɩ tɩ bõn-bãma ẽŋɛ. La, la nãn ka de dũnia ba'asgɔ.

Bɛla ĩyã gu'ura-ya, se'ere n soe la, ya ka mi wakat-sɛka tɩ yidãana la wʋn leme wa'am. A tã wʋn leme wa'am zaanõorɛ mɛ, bɩɩ sõnsʋa, bɩɩ nõ-rɔɔgɔ kaasga wakatɛ, bɩɩ bulika. Guuse-ya tɩ yidãana la da wa'am wa di'ige ya, tɩ ya gĩsri mɛ. Mam n yetɩ ya se'em na, mam yetɩ nẽrba wuu la bɛla, gu'ura-ya.»

Buuri ayɩla wʋn isge zɛbra la buuri ayẽma, tɩ so'olʋm ayɩla isge zɛbra la so'olʋm ayẽma. La tẽŋa wʋn tĩi mĩim mɛ zẽ'esɩ zozo'e, la kɔm wʋn bɔna. Bɛla wuu nãn de la toogo la sẽŋrɛ, la ãn wʋ pɔka virgre toogo n nãn sẽŋrɩ la.

La dẽnɩ tɩ Nawẽnnɛ kõ-yẽlga la dẽŋɛ mõolɛ bɔ buuri wuu, dee tɩ dũnia ba'asgɔ paagɛ.

Nẽrba zozo'e n wʋn dɩkɛ mam yʋ'ʋrɛ wa'am wa pã'asra ya, tɩ ba nẽra woo yetɩ: ‹Mam n de Krisi la.› La ba wʋn botɩ nẽrba zozo'e tuuge mɛ.

Guuse ya mẽŋa, tɩ nẽrba wʋn tarɩ ya mɛ sẽŋɛ ka sãm ba sarɩyadia zẽ'esʋm, tɩ ba wẽ ya ba wẽndeto pʋam. La ba wʋn tarɩ ya sẽŋɛ gɔmnadõma, la na'adõma nẽŋam mam ĩyã. La ya wʋn tɔgɛ mam yɛla pa'alɛ ba.

Nẽrba n wʋn wa'am wa parɩm tɩ bãma n de Krisi, la nẽrba n wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõm tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge doose ba.

Azezi le yele yetɩ: «Toogo la dabsa poorʋm, wẽntulle wʋn sobge mɛ, tɩ wõrga kãn le nẽera a peelem. La wõrbiɛ wʋn ze'ele saazuum lui. La bõn-sɛba n boe saazuum wʋn mĩim mɛ.