Popular Bible Verses from Lucas 2

Share

Su kayi te kezukileman in-anak diyà te Bitlihim he iyan inged ni Hadì David dengan, is Nengazen he iyan kes mibpilì te Megbevayà he ibpahadì. Iyan sikandin edlibri keniyu te silut te Megbevayà.

Ne migkag̵i haazà is belinsug̵uen te Megbevayà te, “Kenè kew mahandek su midsug̵ù a zini wey ku sikiyu mepenudtuli te utew meupiya he tudtul he iyan utew igkelipey te tivuuk he menusiyà.

ke sikandan te, “Edelig̵en tew is Megbevayà he ziyà te langit. Ne zini te lumpad te kelibutan mebmelinawen is kebpekesavuk te langun he menge etew he igkesuat te Megbevayà.”

Ne midtulin is lawa ni Jesus ne mid-iseg is ketau zin te ked-isip. Inmeupiya sikandin te g̵ehinawa te Megbevayà ne henduen ded daan is etew.

Egketuusan niw haazà is batà su emun egkeehè niw is batà he mibukusan te malung ne impehizeg̵à diyà te selemakà te kudà, ne iyan en sikandin,” egkag̵i haazà is belinsug̵uen.

Ne iyan daan haazà he kezukileman, te uvey zutun he inged duen menge etew ziyà te penebtavà su ibpepenabtab dan is menge ayam dan he kerehidu. Ne netekew zan te mibpaahà kandan is belinsug̵uen te Nengazen ne neketayew ziyà te kandan is mekeg̵eg̵ehem he anlag te Megbevayà ne utew zan dutun nengehandek.