Popular Bible Verses from Lucas 1

Share

Umba egkeulaula heini su egkehimu te Megbevayà is minsan hengkey.”

Ne midtavak si Maria te, “Berakat he mehitavù kediey sumalà is migkag̵i nu su mepezumdumahan a te Nengazen.” Ne zutun mid-ewaan si Maria zutun te velinsug̵uen.

Ne midtavak haazà is belinsug̵uen te, “Is Wag̵as he Mulin-ulin, iyan ebpengelintau kayi ziyan te kenikew ne edlig-enan ka te g̵ehem te Megbevayà. Ne tenged kayi, heini is id-anak nu, pudu metazeng is menge ulaula zin ne egkengezanan sikandin he Anak te Megbevayà.

Umba, Maria, edtuvazan ka te Megbevayà su midtuu ka he egketuman is impesavut kenikew te velinsug̵uen te Megbevayà!”

Ebmeg̵ingey ka ne ebpekeanak ka te maama ne ngezani nu sikandin ki Jesus. Utew zekelà is pid-etawan din ne egkengezanan sikandin he Anak te utew lavew he Megbevayà. Ne edhimuwen te Nengazen he Megbevayà he edhadì heini is id-anak nu iring te kedhadì dengan te kepuun din he si David. Ne heini is anak nu, wazà pidtemanan te kedhedii zin keniyu te menge kevuwazan ni Hakub. Wazè en ketepusan te kedhadì din!”

Ne migkag̵i haazà is belinsug̵uen te, “Kenè ka, Maria, mahandek su utew zekelà is gag̵ew te Megbevayà kenikew.