Popular Bible Verses from KOHELETI 8

Share

Pehē ‘e au ko e muna foki mo ia. Pea u fakahīkihiki‘i ‘a e fiefia, tokua ‘oku ‘ikai ha lelei ki he tangata ‘i he lalo la‘ā ka ke te kai mo inu mo fakafiefia; pea ke ō ai pē mo ia ‘i he‘ene ngāue ‘i he ngaahi ‘aho ‘o ‘ene mo‘ui, ‘a ia kuo ‘ange kiate ia ‘e ‘Elohimi ‘i he lalo la‘ā.

Neongo e tu‘o teau ‘a e faikovi ‘a e angahala, pea ‘oku ne tolonga fuoloa ai; ka ‘oku ‘ilo foki ‘e au kuo pau ke lelei ha taha ‘oku ‘apasia kia ‘Elohimi, ‘a kinautolu ‘oku tupu ‘enau ‘apasia ko ‘enau ongo‘i ‘a ‘ene ‘Afio.

He ki he feinga kotoa pē ‘oku ai hono ‘aho kotofa mo hono fakamaau, ‘oka lahi fau ki he kakai ‘a e kovi ‘oku nau ‘i ai.

‘Oku ‘ikai ha tangata ‘e mapule ki he matangi ke ta‘ofi ‘a e matangi; pea ‘oku ‘ikai ha taha te ne pule ki he ‘aho ‘o e mate; pea ‘oku ‘ikai ha fakangofua nofo ‘i he tau ko ia. Pea ‘oku ‘ikai lava ke fakahaofi ai ha taha ‘e he‘ene anga fīta‘a.

Ko e me‘a ‘i he ‘ikai fakaai vave ‘a e tautea ‘o e ngāue kovi na‘e tala, ko ia ko hono ō ia ‘oku mālohi ai ‘a e loto ‘o e hako‘i tangata ke faikovi.

‘Oku ai ha muna ‘oku fai ‘i he funga ‘o māmani, ‘a ‘eni: ‘Oku ai ha faitotonu ‘a ia ‘oku hoko kiate kinautolu ke hoa mo e ngāue ‘a e kau angahala: pea ‘oku ai ha kau angahala ‘a ia ‘oku hoko kiate kinautolu ke hoa mo e ngāue ‘a e faitotonu.

He ‘oku ‘ikai te ne ‘ilo pe ko e hā ‘e hoko: seuke, ko hai ‘e mafakahā kiate ia ‘a e anga ‘o ‘ene hoko mai?