Popular Bible Verses from KOHELETI 7

Share

‘Oua na‘a ‘oho ho loto ke ‘ita: he ko e ‘ita ‘oku ne ngaohi hono nofo‘anga ‘i he fatafata ‘o e sesele.

‘I ha ‘aho lelei ke ke lelei, pea ‘i ha ‘aho kovi, sio lelei ki ai; kuo ngaohi foki ‘e ‘Elohimi ke fakatoukatea ‘a ē mo ē, koe‘uhiā ke ‘oua na‘a kitea ‘e ha tangata ha me‘a hili ‘ene pekia.

‘Oku lelei ange ‘a e iku‘anga ‘o ha me‘a ‘i hono kamata. ‘Oku lelei ange ‘a e anga mokomoko ‘i he anga fielahi.

Seuke, ko e me‘a ki he tangata, ‘oku ‘ikai ha mā‘oni‘oni ‘i māmani, ‘a ia ‘oku ne fai lelei, ‘o ‘ikai angahala.

He ko e poto ko e malu‘anga, ko e pa‘anga ko e malu‘anga: ka ‘oku hulu ‘a e ‘ilo, he ‘oku fakahaofi ‘e he poto ‘a e tangata ‘oku ma‘u ia.

‘OKU ngangatu ange ‘a e hingoa lelei ‘i he lolo tākai, Mo e ‘aho ‘o e pekia ‘i he ‘aho ‘o hoto fanau‘i.

‘Oku lelei ange ‘a e fanongo ki he valoki ‘a e poto ‘i ha‘ate fanongo ki ha hiva ‘a ha kau sesele.

‘Oku lelei hake ke ‘alu ki ha fale ‘oku ‘i ai ha tangi, ‘i he ‘alu ki he fale ‘oku fai ai ha inu kava: he ko e me‘a ko ē ko e ngata‘anga ‘o e tangata kotoa pē, pea ko e tangata mo‘ui ‘oku ne ‘ai ia ki hono loto.

Ko e loto ‘o e poto ‘oku lata ki he fale ‘o e tangi, ka ko e loto ‘o e vale ‘oku lata ki he fale ‘o e fiefia.