Popular Bible Verses from KO 1 TU‘I 19

Share

pea hili ‘a e mofuike ko e afi; ka na‘e ‘ikai ‘i he afi ‘a Sihova: pea hili ‘a e afi ko e le‘o na‘e ngananganaiki mai.

Ka ka ‘alu ia ki he toafa, ko e vā‘ihala ‘o e ‘aho ‘e taha, ‘o ne a‘u ki ha fu‘u siunipa na‘e tu‘u taha, ‘o ne nofo ‘i hono malumalu, ‘o ne kole ke ne mate mai; ‘o ne pehē, Kuo lahi; pea ke to‘o ni, ‘Eiki, ‘eku mo‘ui; he ‘oku ‘ikai te u lelei hake ‘i he‘eku ngaahi kui.

Pea ne folofola mai, Hū ki tu‘a, ‘o tu‘u ‘i he mo‘unga ‘i he ‘ao ‘o Sihova. Pea ‘iloange na‘e hā‘ele ange ‘a Sihova, pea ko e matangi lahi mo mālohi na‘a ne have‘i ‘a e mo‘unga, mo fahi ‘a e ngaahi makatu‘u, ‘i he ‘ao ‘o Sihova; ka na‘e ‘ikai ‘i he matangi ‘a Sihova: pea hili ‘a e matangi na‘e mofuike; ka na‘e ‘ikai ‘i he mofuike ‘a Sihova

Pea ‘i he fanongo leva ‘e ‘Ilaisiā ki ai, pea ne pūlou ‘aki hono pulupulu, ‘o ne hū ki tu‘a, ‘o ne tu‘u ‘i he ngutu ‘ana. Pea ‘iloange na‘e ongo mai ha le‘o na‘e pehē, Ko e hā ‘au ‘oku ke ‘i heni ai, ‘Ilaisiā?

Pea ‘i he‘ene a‘u ki he ‘ana, na‘a ne afe ki ai ke mohe; pea ‘iloange na‘e hoko kiate ia ‘a e folofola ‘a e ‘Eiki na‘e pehē ange, Ko e hā ‘au ‘oku ke ‘i heni ai, ‘Ilaisiā?

Pea ne tu‘u, ‘o kai mo inu; pea ne ‘alu ‘aki ‘a e mālohi ‘o e kai ko ia, ‘o ‘aho fāngofulu mo pō fāngofulu, ‘o a‘u ki he Mo‘unga ‘o ‘Elohimi, ‘a Hōlepi.

Pea ne tokoto ‘o mohe ‘i he lolo siunipa ko ia; pea ‘iloange na‘e ala kiate ia ha ‘āngelo, ‘o ne pehē, Tu‘u, ‘o kai.

Pea toe ha‘u ‘a e ‘āngelo ‘a Sihova ‘o ala kiate ia, ‘o ne pehē, Tu‘u, ‘o kai; he ‘oku lahi ‘a e fononga ‘i ho‘o mafai.

Pea ne tali, Ne u mātu‘aki fua‘a koe‘uhi ko Sihova ko e ‘Otua Sāpaoti; he kuo li‘aki ho‘o kovinānite ‘e ha‘a ‘Isileli, ko ho ngaahi ‘ōlita kuo nau holoki, pea ko ho‘o kau palōfita kuo nau tāmate‘i ‘aki ‘a e heletā: pea ko au pē ‘oku ou toe toko taha; pea ‘oku nau kumi foki ki he‘eku mo‘ui ke to‘o.

Pea ne fakasio, pea tā na‘e tu‘u mei hono ‘ulu ha keke tunu, mo ha hina vai. Pea ne kai mo inu, ‘o ne toe tokoto.

Pea ‘alu ‘a e fekau ‘a Sisipeli kia ‘Ilaisiā ke fakahā, ‘Ilo ‘e au ‘o lahi hake, ‘o kapau ‘e ‘ikai te u ngaohi ho‘o mo‘ui ke tatau mo ha taha ‘o kinautolu na fe‘unga mo e feitu‘ula‘ā ni ‘apongipongi.

ka te u fakatoe ‘i ‘Isileli ha toko fitu afe; ko e ngaahi tui kotoa kuo ‘ikai peluki kia Peali, pea ko e ngaahi loungutu kotoa ‘oku ‘ikai ‘uma kiate ia.

Pea ne fononga mei ai, ‘o ne ma‘u ‘a ‘Ilaisa foha ‘o Sāfati ‘oku fai ‘ene palau ‘aki ha taulua‘i pulu ‘e hongofulu mā ua, ‘oku nau fakaholo atu, kae ‘i mui ia mo hono hongofulu mā ua; pea laka ange ‘a ‘Ilaisiā, ‘o ne lī ange ki ai hono pulupulu.

Pea ne foki meiate ia, ‘o ne to‘o ‘a e taulua‘i pulu, ‘o tāmate‘i ia, ‘o ne fefie ‘aki ‘a e nāunau ‘o e pulu ‘i he ngaohi hono kakano, ‘o ne ‘ange ki he kakai pea nau kai. Pea ne toki tu‘u, ‘o muimui kia ‘Ilaisiā, ‘o tauhi ia.

Pea ne li‘aki ‘a e fanga manu, ‘o ne tulimui kia ‘Ilaisiā, ‘o ne pehē, Ka u ‘uma mu‘a ki he‘eku tamai mo ‘eku fa‘ē, ka u toki muimui atu. Pea ne tali ki ai, Seuke, foki atu pē, he ko e hā fua kuo u fai kiate koe?