Popular Bible Verses from လု 4

Share

“ဝိၺိၺ်ႇ​ထႃႇဝရႃႉ​ၽြႃး​တႄႇ​ယူႇ​ၵႃႈၼိူဝ်​ၵဝ်​ဢေႃႈ။ မၼ်းၸဝ်ႈ​လိူၵ်ႈ​ဢဝ်​ၵဝ်​ႁႂ်ႈ​ၵဝ်​လႆႈ​ႁေႃးတြႃး​သဵင်​ၶၢဝ်ႇ​ဢၼ်​လီ​တီႈ​ၵူၼ်းၽၢၼ်​တင်းလၢႆ​ဢေႃႈ။ မၼ်းၸဝ်ႈ​ပွႆႇၸႂ်ႉ​ၵဝ်​ၵႂႃႇ​ႁႂ်ႈလႆႈ​ႁေႃး​မွၵ်ႇလၢတ်ႈ​တြႃး​တၢင်း​ဢၼ်​လွတ်ႈလႅဝ်း၊တီႈ​ၶဝ်​ၸိူဝ်း​ဢၼ်​ၶင်​ဝႆႉ​တင်းလၢႆ၊ ႁႂ်ႈလႆႈ​ၽုၺ်ႇ​ပိုတ်ႇ​ဢၼ်လႅင်း​ပၼ်​တီႈ​ၶဝ်​ၸိူဝ်း​ဢၼ်​တႃမွတ်ႇ​တင်းလၢႆ၊ ႁႂ်ႈလႆႈ​ၵႄႇသႄႇ​ၶဝ်​ၸိူဝ်း​ဢၼ်​လႆႈ​ၶၢမ်ႇ တဵၵ်းငႅၼ်း​တင်းလၢႆ။ ဢိၵ်ႇတင်း​ႁႂ်ႈလႆႈ​ၵျေႃႇၺႃႇ​မွၵ်ႇလၢတ်ႈ​လွင်ႈ ၶိင်ႇၵႃႇလႃႉ​ဢၼ်​ထႃႇဝရႃႉ​ၽြႃး​တၵ်း လႆႈ​ပၼ်​မၢင်ႇၵလႃႇ​ဢေႃႈ၊” ဢၼ်​ဝႃႈ​ၼင်ႇ​ၼႆ​ၼၼ်ႉ​ဢေႃႈ။

ၸဝ်ႈ​ယေႇသု၊ ၶိုၼ်း​လၢတ်ႈ​လႄႈ​ဝႃႈ၊ “ၵႃႈၼႂ်း​ၵျၢမ်းလိၵ်ႈ​မီး​ဝႆႉ​လႄႈ​ဝႃႈ၊ ‘မႂ်း​တၵ်း​လႆႈ​ၶုပ်ႉဝႆႈ​ၽြႃးပဵၼ်ၸဝ်ႈ​မႂ်း​ထႃႇဝရႃႉ​ၽြႃး​လႄႈ​ႁဵတ်းဝၢတ်ႈ​တီႈ​မၼ်းၸဝ်ႈ​သူႇလဵဝ်​ၵူၺ်း၊’ မီး​ဝႆႉ​ၼင်ႇ​ၼႆ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၶိုၼ်း​လၢတ်ႈ​လႄႈ​ဝႃႈ၊ “ၼႂ်း​ၵျၢမ်းလိၵ်ႈ​မီး​ဝႆႉ​လႄႈ​ဝႃႈ၊ ‘ၵူၼ်း​တေ​လႆႈ​ဢဝ်​တင်း​ၶဝ်ႈမုၼ်း​ၵူၺ်း​လဵင်ႉၸႂ်​ဢမ်ႇၸႂ်ႈ၊’ မီး​မႃး​ၼင်ႇ​ၼႆ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ပျေႉၸုမ်ႇ​တဵမ်​ဝႆႉ​တင်း​ဝိၺိၺ်ႇ​ဢၼ်​မူတ်းၸၢင်ႇ​ၸဝ်ႈ​သေလႄႈ​ၼႂ်း​မိူဝ်ႈ​ဢၼ်​ပွၵ်ႈ​ၶိုၼ်း​မႃး​သေ​ၵႃႈတီႈ​ၼမ်ႉ​ ယေႃးတၢၼ်ႇ၊ ယူႇ​ၼၼ်ႉ​ၸိုင်၊လႆႈ​ၶၢမ်ႇ​တၢင်း​ဢၼ်​ဝိၺိၺ်ႇ​ၸဝ်ႈ​ဢဝ်​သူင်ႇ​ၵႂႃႇ​ၵႃႈၼႂ်း​ထိူၼ်ႇလႅင်ႉ​ဢေႃႈ။

ၸဝ်ႈ​ယေႇသု၊ သမ်ႉ​ၶိုၼ်း​လၢတ်ႈ​လႄႈ​ဝႃႈ၊ “ၼႂ်း​ၵျၢမ်းလိၵ်ႈ​မီး​ဝႆႉ​ၸမ်ႉ၊ ‘မႂ်း​တေ​ဢမ်ႇ​လႆႈ​ၸၢမ်းတူၺ်း​ၽြႃးပဵၼ်ၸဝ်ႈ​မႂ်း​ထႃႇဝရႃႉ​ၽြႃး၊’ မီး​ဝႆႉ​ၼင်ႇ​ၼႆ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

လိုၼ်း​ၼၼ်ႉ၊မိူဝ်ႈ​ဢၼ်​မႃႇၼၢတ်ႈ​ၸၢမ်းတူၺ်း​ယႃႉ​ၵဝ်း​ ၸဝ်ႈ​ယေႇသု၊ ၵူႈၸိူဝ်ႉၵူႈပိူင်​ယဝ်ႉ​ၸိုင်၊ဢွၵ်ႇ​ပၢႆႈ​သေ​ၵႃႈတီႈ​မၼ်းၸဝ်ႈ​ၵႂႃႇ​ၸူဝ်ႈၼိုင်ႈ​ၶၢဝ်းၼိုင်ႈ​သေ​ဢေႃႈ။

ဝၢႆး​ၼၼ်ႉ​ မႃႇၼၢတ်ႈ၊ သမ်ႉ​ဢဝ်​မၼ်းၸဝ်ႈ​ၵႂႃႇ​ၵႃႈတီႈ​ဢၼ်​သုင်​ၼႃႇ​ယဝ်ႉ​ၸင်ႇ​ၼႄပျႃး​မိူင်း​လေႃးၵႃႉ​တင်းသဵင်ႈတင်းလူင်​ၸူဝ်ႈ​ၵႅပ်ႈ​ၼိုင်ႈ​သေလႄႈ​လၢတ်ႈ​တီႈ​မၼ်းၸဝ်ႈ​လႄႈ​ဝႃႈ၊- “ၵဝ်​တၵ်း​ဢဝ်​ဢႃႇၼႃႇ​တၼ်းၶူဝ်း​ၸိူဝ်း​ၼႆႉ၊ဢိၵ်ႇတင်း​မုၼ်​ၸေးၸိမ်ႇ​တင်းသဵင်ႈတင်းလူင်​ၼႆႉ​ပၼ်​တီႈ​မႂ်း​ဢေႃႈ။ ၶိူင်ႈပိူင်​ၸိူဝ်း​ၼႆႉ​ဢၢပ်ႈ​ဝႆႉ​မီး​ယူႇ​ၼႂ်း​မိုဝ်း​ၵဝ်​ယဝ်ႉ​လႄႈ၊ၵဝ်​ၶႂ်ႈ​ပၼ်​ၵေႃႉလႂ်​ၵေႃႈ​ပၼ်​လႆႈ​ယဝ်ႉ။- ပိူဝ်ႈ​ၼႆ​လႄႈ ပေႃး​မႂ်း​ၶုပ်ႉမူပ်ႇ​ဝႆႈ​ၵဝ်​ၸိုင်၊ၵႃႈမီး​တင်းသဵင်ႈတင်းလူင်​ၸိူဝ်း​ၼႆႉ​တၵ်း​ပဵၼ်​ၶွင်​မႂ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။ ၸဝ်ႈ​ယေႇသု၊ ၶိုၼ်း​လၢတ်ႈ​လႄႈ​ဝႃႈ၊ “ၵႃႈၼႂ်း​ၵျၢမ်းလိၵ်ႈ​မီး​ဝႆႉ​လႄႈ​ဝႃႈ၊ ‘မႂ်း​တၵ်း​လႆႈ​ၶုပ်ႉဝႆႈ​ၽြႃးပဵၼ်ၸဝ်ႈ​မႂ်း​ထႃႇဝရႃႉ​ၽြႃး​လႄႈ​ႁဵတ်းဝၢတ်ႈ​တီႈ​မၼ်းၸဝ်ႈ​သူႇလဵဝ်​ၵူၺ်း၊’ မီး​ဝႆႉ​ၼင်ႇ​ၼႆ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၵမ်း​ၼၼ်ႉ၊မႃႇၼၢတ်ႈ​သမ်ႉ​ဢွၼ်​သူင်ႇ​ ၸဝ်ႈ​ယေႇသု၊ ၵႂႃႇ​ၵႃႈတီႈ​ဝဵင်း​ ယေႇရုသလႅမ်ႇ၊ သေလႄႈ​ဢဝ်​မၼ်းၸဝ်ႈ​ဝႆႉ​ၵႃႈၼိူဝ်​ၸိၵ်း​ၸွမ်​ၵျွင်း​ပိၵ်ႈမၢၼ်ႇ​ၸဝ်ႈ​ယဝ်ႉ​ၸင်ႇ၊လၢတ်ႈ​လႄႈ​ဝႃႈ၊ “ပေႃး​မႂ်း​ၸႂ်ႈ​လုၵ်ႈၽြႃးပဵၼ်ၸဝ်ႈ​ၸိုင်၊ပွႆႇ​တူဝ်ၸဝ်ႈၵဝ်ႇ​လႄႈ​ဝႅၼ်​တူၵ်း​ၵႃႈတီႈ​ၼႆႈ​ၵႂႃႇ​တႃႉ။- ၼႂ်း​ၵျၢမ်းလိၵ်ႈ​မီး​ဝႆႉ​လႄႈ​ဝႃႈ၊ ‘ၽြႃးပဵၼ်ၸဝ်ႈ​တၵ်း​ပွႆႇၸႂ်ႉ​တမၢၼ်ႇၵၢင်ႁၢဝ်​တင်းလၢႆ​မႃး​ပႂ်ႉ​လူ​ပႂ်ႉ​တူၺ်း​မႂ်း​ဢေႃႈ၊’ ဝႃႈၼႆ​ၵူၺ်းဢမ်ႇၵႃး၊- သမ်ႉ​မီး​ထႅင်ႈ​လႄႈ​ဝႃႈ၊ ‘ၶဝ်​ၼၼ်ႉ​တၵ်း​ဢဝ်​တင်း​မိုဝ်း​ဢုမ်ႈႁွပ်ႇ​ဢဝ်​မႂ်း​ဝႆႉ​ၼင်ႇ​ႁိုဝ်​ၽႃႇတိၼ်​မႂ်း​ဢမ်ႇ​လႆႈ​တိူဝ်ႉ​မၢၵ်ႇႁိၼ်​ၼၼ်ႉ​ဢေႃႈ၊’ ဝႃႈၼႆ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။ ၸဝ်ႈ​ယေႇသု၊ သမ်ႉ​ၶိုၼ်း​လၢတ်ႈ​လႄႈ​ဝႃႈ၊ “ၼႂ်း​ၵျၢမ်းလိၵ်ႈ​မီး​ဝႆႉ​ၸမ်ႉ၊ ‘မႂ်း​တေ​ဢမ်ႇ​လႆႈ​ၸၢမ်းတူၺ်း​ၽြႃးပဵၼ်ၸဝ်ႈ​မႂ်း​ထႃႇဝရႃႉ​ၽြႃး၊’ မီး​ဝႆႉ​ၼင်ႇ​ၼႆ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။