လု 4:5-8
လု 4:5-8 SHNCL
ဝၢႆးၼၼ်ႉ မႃႇၼၢတ်ႈ၊ သမ်ႉဢဝ်မၼ်းၸဝ်ႈၵႂႃႇၵႃႈတီႈဢၼ်သုင်ၼႃႇယဝ်ႉၸင်ႇၼႄပျႃးမိူင်းလေႃးၵႃႉတင်းသဵင်ႈတင်းလူင်ၸူဝ်ႈၵႅပ်ႈၼိုင်ႈသေလႄႈလၢတ်ႈတီႈမၼ်းၸဝ်ႈလႄႈဝႃႈ၊- “ၵဝ်တၵ်းဢဝ်ဢႃႇၼႃႇတၼ်းၶူဝ်းၸိူဝ်းၼႆႉ၊ဢိၵ်ႇတင်းမုၼ်ၸေးၸိမ်ႇတင်းသဵင်ႈတင်းလူင်ၼႆႉပၼ်တီႈမႂ်းဢေႃႈ။ ၶိူင်ႈပိူင်ၸိူဝ်းၼႆႉဢၢပ်ႈဝႆႉမီးယူႇၼႂ်းမိုဝ်းၵဝ်ယဝ်ႉလႄႈ၊ၵဝ်ၶႂ်ႈပၼ်ၵေႃႉလႂ်ၵေႃႈပၼ်လႆႈယဝ်ႉ။- ပိူဝ်ႈၼႆလႄႈ ပေႃးမႂ်းၶုပ်ႉမူပ်ႇဝႆႈၵဝ်ၸိုင်၊ၵႃႈမီးတင်းသဵင်ႈတင်းလူင်ၸိူဝ်းၼႆႉတၵ်းပဵၼ်ၶွင်မႂ်းဢေႃႈ၊” ဝႃႈၼင်ႇၼႆဢေႃႈ။ ၸဝ်ႈယေႇသု၊ ၶိုၼ်းလၢတ်ႈလႄႈဝႃႈ၊ “ၵႃႈၼႂ်းၵျၢမ်းလိၵ်ႈမီးဝႆႉလႄႈဝႃႈ၊ ‘မႂ်းတၵ်းလႆႈၶုပ်ႉဝႆႈၽြႃးပဵၼ်ၸဝ်ႈမႂ်းထႃႇဝရႃႉၽြႃးလႄႈႁဵတ်းဝၢတ်ႈတီႈမၼ်းၸဝ်ႈသူႇလဵဝ်ၵူၺ်း၊’ မီးဝႆႉၼင်ႇၼႆယဝ်ႉ၊” ဝႃႈၼင်ႇၼႆဢေႃႈ။
Bible App
Bible App for Kids
