Popular Bible Verses from လု 3

Share

မိူဝ်ႈ​ဢၼ်​ၵူၼ်း​တင်းသဵင်ႈတင်းလူင်​ၶၢမ်ႇ​ဢဝ်​မၢင်ႇၵလႃႇ​ပပ်ႉတိၸမ်ႇ​ၼၼ်ႉ​ၸိုင်၊ ၸဝ်ႈ​ယေႇသု၊ ၵေႃႈ၊ၶၢမ်ႇ​ဢဝ်​မၢင်ႇၵလႃႇ​ပပ်ႉတိၸမ်ႇ​လႄႈ​ၼႂ်း​မိူဝ်ႈ​ဢၼ်​မၼ်းၸဝ်ႈ​သူးတွင်း​ယူႇ​ၼၼ်ႉ​ၵၢင်ႁၢဝ်​ၽုၺ်ႇ​ပိုတ်ႇ​သေလႄႈ၊- ဝိၺိၺ်ႇ​ဢၼ်​မူတ်းၸၢင်ႇ​ၸဝ်ႈ​မီး​ႁၢင်ႈ​ၽၢင်​မိူၼ်​ၸိူဝ်ႉ​ၼင်ႇ​ၼူၵ်ႉတူႈ​လူင်း​မႃး​ၵႃႈၼိူဝ်​မၼ်းၸဝ်ႈ​ဢေႃႈ။ မီး​သဵင်​လၢတ်ႈ​လုၵ်ႉ​သေ​ၵႃႈတီႈ​ၵၢင်ႁၢဝ်​မႃး​လႄႈ​ဝႃႈ၊ “မႂ်း​ၼႆႉ၊ပဵၼ်​လုၵ်ႈ​ႁၵ်ႉ​ၵဝ်​ဢၼ်​ၵဝ်​ထုၵ်ႇၸႂ်​ၵျိူၵ်ႈၸႂ်​ၼႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​ၸင်ႇ​သြႃႇ​ ယူဝ်းႁၢၼ်ႇ၊ ၶိုၼ်း​လၢတ်ႈ​တီႈ​ၵူၼ်း​တင်းသဵင်ႈတင်းလူင်​လႄႈ​ဝႃႈ၊ “ၵဝ်​ပၼ်​မၢင်ႇၵလႃႇ​ပပ်ႉတိၸမ်ႇ​တီႈ​သူ​လူၺ်ႈ​ၼမ်ႉ​ဢေႃႈ။ ၸဝ်ႈ​ဢၼ်​ယႂ်ႇ​မျၢတ်ႈ​သေ​ၵဝ်​ၼၼ်ႉ​ယင်း​မႃး​ယူႇ​ဢေႃႈ။ ၵဝ်​ယင်း​ဢမ်ႇ​ထိူၵ်ႈ​ၵႄႈ​သၢႆ​ၶႅပ်းတိၼ်​ၸဝ်ႈ​ၼၼ်ႉ။ ၸဝ်ႈ​ၼၼ်ႉ​တၵ်း​ပၼ်​မၢင်ႇၵလႃႇ​ပပ်ႉတိၸမ်ႇ​လူၺ်ႈ​ၽႆး​ၼႂ်း​ဝိၺိၺ်ႇ​ဢၼ်​မူတ်းၸၢင်ႇ​ၸဝ်ႈ​ၼၼ်ႉ​တီႈ​သူ​ဢေႃႈ။

မၢၵ်ႇ​တၢင်းၵမ်​တၢင်းၵျၢင်ႉ​ဢၼ်​ၵိုင်ႇ​ၵၼ်​တင်း​တၢင်း​ဢၼ်​ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​ၼၼ်ႉ​ႁႂ်ႈ​မၢၵ်ႇ​မႃး​တႃႉ။ ၼႂ်း​သူ​ၼင်ႇ​ၵၼ်​ၵၼ်​ၼၼ်ႉ ‘ ဢႃႇပြႃႇႁၢမ်ႇ၊ ပဵၼ်​ပူႇ​ပေႃႈ​ႁဝ်း​ဢေႃႈ’ ဝႃႈၼႆ​ယႃႇပေ​လၢတ်ႈ။ ၵဝ်​ဝႃႈ​တီႈ​သူ​ၸမ်ႉ၊ၽြႃးပဵၼ်ၸဝ်ႈ​ဢဝ်​မၢၵ်ႇႁိၼ်​ၸိူဝ်း​ၼႆႉ​ၽၢၼ်ႇသၢင်း​ႁႂ်ႈ​ပဵၼ်​လုၵ်ႈလၢၼ်​ ဢႃႇပြႃႇႁၢမ်ႇ၊ လႆႈ​ယူႇ​ဢေႃႈ။

တေႃႈလဵဝ်​ၼႆႉ​တႃမၢတ်ႇ​ငႃ​ဝႆႉ​ၵႃႈတီႈ​ႁၢၵ်ႈ​တူၼ်ႈမႆႉ​ယူႇ​လႄႈ​တူၼ်ႈ​ဢၼ်​ဢမ်ႇ​မၢၵ်ႇ​မၢၵ်ႇ​ဢၼ်​လီ​ၵႃႈမီး​ၸိူဝ်း​ၼၼ်ႉ​တေ​ပွမ်ႈ​ပႅတ်ႈ​လႄႈ​တုတ်ႇၽႆး​ပႅတ်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မႅၼ်ႈ​ၸွမ်း​ၵႃႈ​ၼင်ႇ​ဢၼ်​ပရေႃးၽႅတ်ႈ ဢိသႃႇယႃႉ၊ တႅမ်ႈ​ဝႆႉ​ၼႂ်း​ၵျၢမ်းလိၵ်ႈ​လႄႈ​ဝႃႈ၊ “သဵင်​ၸဝ်ႈ​ဢၼ်​ပၢဝ်ႇ​သႅၼ်ႇ​ၵႃႈၼႂ်း​ထိူၼ်ႇလႅင်ႉ​ၼၼ်ႉ​ဝႃႈ၊ ‘မႄး​သဵၼ်ႈတၢင်း​ပုၼ်ႈ​ထႃႇဝရႃႉ​ၽြႃး​တႃႉ။ ႁႂ်ႈ​သဵၼ်ႈတၢင်း​ၼၼ်ႉ​သိုဝ်ႈလီ​လႄႈ​ပုၼ်ႈ​မၼ်းၸဝ်ႈ တၵ်း​ပႆ​ၼၼ်ႉ​တႃႉ။ တီႈ​ဢၼ်​ပဵၼ်​ႁူၺ်ႈ​ပဵၼ်​ႁွင်ႈ​ၵႃႈမီး​ၼၼ်ႉ​ၸိုင်၊ တၵ်း​လႆႈ​ထူမ်​ဢေႃႈ။ တီႈ​ဢၼ်​ပဵၼ်​ၵွင်း​ပဵၼ်​လွႆ​ၵႃႈမီး​ၼၼ်ႉ​ၸိုင်၊တၵ်း​လႆႈ​ၵိူၼ်ႇ​ႁႂ်ႈ​ပဵင်း​ဢေႃႈ။ သဵၼ်ႈတၢင်း​ဢၼ်​ၵူတ်ႉ​ဢၼ်​ငွၵ်း​ၵႃႈမီး​ၼၼ်ႉ​ၸိုင်၊တၵ်း​လႆႈ​လတ်း​ႁႂ်ႈ​သိုဝ်ႈ​ဢေႃႈ။ သဵၼ်ႈတၢင်း​ဢၼ်​ၶုၵ်း​ဢၼ်​ၶၵ်း​တင်းလၢႆ​ၵေႃႈ​တၵ်း​လႆႈ​ထူမ်​ႁႂ်ႈ​လိူမ်ႈ​ဢေႃႈ။ ႁဵတ်း​ၼၼ်​လႄႈ​ၵူၼ်း​တင်းလၢႆ​တၵ်း​လႆႈ​ႁၼ် ၵျေးၸူး​တၢင်း​ဢၼ်​ၽြႃးပဵၼ်ၸဝ်ႈ​ၶျွတ်ႈ​ဢဝ်​ဢေႃႈ၊’ ” ဝႃႈ​ၼင်ႇ​ၼႆ​ၼၼ်ႉ​တၵ်း​ပျေႉၸုမ်ႇ​ဢေႃႈ။