Popular Bible Verses from Marc 6

Share

Gba ti azo ayeke ga, ayeke gue, ayeke ga, ayeke gue; ye so asara si Jésus na awatokua awara lege ti te kobe pepe. Ndani laa lo tene na ala: “Ala ga, e gue na mbeni ndo so zo ayeke daa pepe titene e wu tere ti e kete si.”

Jésus atene na ala: “Na ndo kue azo ayeke ne awayanga-Nzapa, me na gbata so a du lo daa, wala na ya ti sewa ti lo, wala na ya ti da ti lo, azo ayeke ne lo pepe.”

So Jésus asigigi na ya ti ngo ni, lo baa gba ti azo; mawa ti ala agbu lo, ngbanga ti so ala yeke tongana ataba so zo ti batango ala ayeke daa pepe. Tongaso lo fa aye mingi na ala.

Jésus alingbi ti sara mbeni ye ti kpene oko na ndo so pepe. Me lo zia gi maboko ti lo na ndö ti ambeni zo ti kobela si kobela ti ala akai. Li ti lo akpe ngbanga ti so azo ni ake ti ma na be. Na pekoni, Jésus ague ti fa ye na azo na ya ti akete kodro so ayeke na tere ti Nazaret.

Jésus amu mapa oku na asusu use so, lo yo le ti lo na nduzu, lo mu singila na Nzapa. Na pekoni, lo fâ ya ti amapa ni, lo mu na adisiple ti lo ti kangbi ni na azo ni kue. Lo kangbi nga asusu use so na azo kue. Zo oko oko ate ya ti lo asi. Adisiple aro tanga ti anduru mapa ni na asusu ni so angba asi sakpa baleoko na use.