Popular Bible Verses from Marc 5

Share

Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Mbeni wali ayeke daa, mene ayeke ga na tere ti lo mingi mingi, asara ngu baleoko na use awe. Lo baa pasi mingi na ndo ti anganga si lo buba nginza ti lo kue na lege ti ala; me tere ti lo aga nzoni pepe. Kobela ti lo ni akiri aga ngangu ahon ti kozoni.

Gi hio tongaso, kobela ti lo ni akai, tere ti lo aga nzoni.

Lo gbu maboko ti molenge ni si lo tene na lo: “Talita kum!” Nda ni atene: “Molenge-wali, mbi tene na mo, mo londo!”

So Jésus angba ti tene tënë so, ambeni zo alondo na da ti Yairus aga; ala tene na lo: “Molenge ti mo ti wali akui awe. Mo ngba ti so li ti wafango-ye ngbanga ti nyen?” Me Jésus azia be ti lo na tënë ti ala so pepe. Lo tene na Yairus: “Sara mbeto pepe, mo ma gi na be!”

(Lo tene tongaso, ngbanga ti so Jésus atene: “Sioni yingo, mo sigigi na ya ti koli so!”) Jésus ahunda lo, atene: “Iri ti mo ayeke nyen?” Lo kiri tënë na lo: “Iri ti mbi ayeke: ‘Gbani-gbani’, ngbanga ti so e yeke gbani gbani.”