Popular Bible Verses from MATEO 26

Share

Phakgamang le rapele, gore le se tsene melekong; gobane moya o mafolofolo, mme nama e a fokola.

A bolela le bona a re: Moya wa ka o nyamile ka gogolo wa go iša lehung; dulang fa le itiše le nna.

A fetela pejana, a wela fase ka sefahlogo, a rapela a re: Tata, ge go kgonega, a senwelo se se fete se ntloge. Fela, e se be ka mo go ratago nna, e be ka mo go ratago wena.

Ke madi a ka a kgwerano e mpsha, a tšhollwago ka baka la ba bantši, e be go lebalelwa dibe.

Ge ba eja, Jesu a tšea senkgwa, a leboga, a se ngwathaganya, a se neela barutiwa, a re: Tšeang le je, ke mmele wa ka.

A tšea senwelo, a leboga, a ba neela sona, a re: Nwang sona bohle.

A tla go barutiwa ba gagwe, a ba hwetša ba robetše; a bolela le Petro a re: Ea, ga la ka la kgona go itiša le nna nako e tee fela?

Gomme ke a le botša, go tloga bjale nka se hlwe ke enwa seenywa se sa morara, go fihla mehleng yeo ke tlogo buša ke se nwa le lena mmušong wa Tate.

Ke mo Petro a eletšwego tše Jesu a di boletšego mola a re: Mogogonope o tlo ba o sešo wa lla, wena o latotše gararo wa re ga o ntsebe. A tšwela ntle a lla o bohloko.

Tsogang! Eriyeng! E a nkekago šo o fihlile.

Jesu a mo sola a re: Bušetša tšhoša ya gago bodulong bja yona; gobane e a swarago tšhoša, o tlo bolawa ka yona.