Popular Bible Verses from MATEO 27

Share

Ka yona nako ya senyane, Jesu a goeletša ka lentšu le legolo a re: Eli! Eli! Lama sabagthani? Ke go re: Modimo wa ka! Modimo wa ka! O ntlogeletšeng?

Gomme ba bona sešireletšo sa Ngwakong wa Modimo se gagoga go tloga godimo go iša fase sa tšwa diripa tše pedi; lefase la šišinyega, le mantswe a pharoga. Le mabitla a bulega, mme mebele e mentši ya bakgethwa ba ba robetšego ya tsoga.

Gomme Jesu a buša a goeletša ka lentšu le legolo, ya ba gona a neelago moya.

Bala ba go hlapetša Jesu ba na le tona ya bona, ge ba bona tšhišinyego ya lefase le tše di diregilego, ba tšhoga gagolo, ba re: Ka kgonthe, yena yo e be e le Morwa wa Modimo.

Ka nako ya go selela gwa ba le leswiswi nageng ka moka, gwa ba gwa tla nako ya senyane.

Pilato a re: Gomme Jesu yo ba rego ke Kriste ke tlo mo dirang? Bohle ba re: A a bapolwe sefapanong! Mmuši a re: Gomme bokgopo bjo a bo dirilego ke bofe? Bona ba fo tšholla legoa le legolo ba re: A a bapolwe sefapanong!