Popular Bible Verses from Yoni 15

Share

E, Iya'eku ai veguveguwaku tu omi'iyao laganiku. Hakwadi o Iya agaikuya umiyamiyave'avina kadu againiya Iya ganamiyave'avina, au unayoyoyo lakahina. Ka'i o akaibe tu keke Iya o'eni buye, kadu keke tamo huluva hagihagina afaiweya.

Au Iya agaikuya wanamiyamiyave'avina, kadu omi agaimiya ganamiyave'avina. Ka'i aiguwa laganina keke ai-mo'ena againe ginamiyave'avina digo, keke anafaiweya ginayoyo. Meda anafaiweya omi'iyao, ka'i keke Iya agaikuya wanamiyave'avina, kadu keke amifaiweya yaku nuwanuwa amine wanahuluva.

Tu ka'i omi Iya agaikuya wanamiyave'avina ada bonaku ase'asemiya ginadauda tova moya'aina amine o, gavadi fa'ina nuwanuwami wanave'o'ola, au wanave'o'ola be velemo'ena wananuhagana.

Omi keke wadavenuwadadaneku, keke. Au Iya gavenuwadadanemi gavegidemi be wanana wanayoyo be guwami ginaduva-vagata. Ada au gavadi aku eganeya Kamaku wanave'o'olena, medema ginavelemi.

Ka'i kaliva tobohiyaneyao fa'idiya yawaina tauna ginanuhegena digo, bana velemo'ena nuwanuwana badi'iyao, au yana hawahega lakahi-mo'ena.

Kaliva hivetuvetumaganeku-ma badi laganiku. Hai kaliva keke yaku nuwanuwa amine hinahuluva, medema vaita laganiku keke gidayoyo, ada au medema Kamaku ginakuyadi be ginahegedi. Tu hai kaliva yaku nuwanuwa amine hihuluhuluva, medema vaita laganiku yoyoyona, ada au Kamaku yogo badi agaidiya ginavaihegena be hinayoyo guwadi moya'aina.

Ada Iya omi fa'imiya gahawahegeku amine, kadu omi taumiyao agaimiya wanave'ahawahawahega. Au hidede amine Iya gavehimeyemi.

Ka'i wanayoyo lakahina higa Yaubada yana nuwanuwa amine wanahuluhuluva tova moya'aina, au kaliva Kamaku ana egana hinakilakahina kadu hina'itami hinagayo, Wa'ita, wona velemona badi'iyao Yesu ana tomuliya.

Kadu Yesu gilukahihi gigayo, “Iya'eku ai veguveguwaku velemo'ena, ada Bana Kamaku ai ana to'itave'avina.

Ka'i hakwadi o Iya agaikuya keke unamiyave'avina, aiguwa laganina koyona hihegena be gibou amine, meda Kamaku o ginahege. Ada au laganina koyona hihegena tu tamo hakwadi yana ai fa'ina gikwakwana ada gi'alahina.

Au hidede amine gagahemi be Iya gavemwamwala amine, meda omi wanavemwamwala, higa wanavemwamwala-mo'a.

Kamaku yana vehimeya gadibudibumuhigena, ada au yana nuwanuwa Iya agaikuya ga'aya'ayaunena tova moya'aina. Meda anafaiweya ka'i yaku vehimeya omi wanadibudibumuhigena amine o, yaku nuwanuwa omi agaimiya wana'aya'ayaunena tova moya'aina.

Gavehimeyemi hidede amine. Omi taumiyao agaimiya wanave'ahawahawahega.

Ka'i omi tokilowa yadi yo'o kalivai-dina digo, badi taudiyao hive'anuwakabubu amine, kadu omi hidanuwakabubuyemi. Tu Iya gavenuwadadanemi be yaku yo'o agaidiya waluku fa'ina, omi keke badi tokilowa yadi yo'o kalivai-dina. Ada tokilowa hivenibainemi, fa'ina keke yadi yo'o agaidiya wadamiyami.