Popular Bible Verses from Yoni 16

Share

Ada au hidede amine omi agaimiya galukahihi be Iya agaikuya nuwayamumu wanavaina. Tomiyababi agaidiya aulolo wanavaina tu wana'asevatu, fa'ina tomiyababi gafaiwalahegehegedi.”

Tu Alu'aluwa Mahalina, Bana nuwanuwa velemo'ena inubana amanadi, gina'ela ana toveya, nuwanuwa velemo'ena matatabuna fa'ina ginakivetuvetunumi. Keke Tauna yana nuwanuwa amine ginalukahihi, au gavadi Kamaku againe ginanogalina medema ginalukahihiyena, kadu gavadi aimo tova mulina ginalakayemu-ma omi agaimiya ginahawavemogatalena.

Boi keke tamo gavadi fa'ina aku eganeya wadave'o'oleni. Au adamoya wanave'o'ola be wananuhagana be higa wanavemwamwala-mo'a fa'ina.

Tu gagahe velemo'ena gananuyabuyabumi be omi yamumu wananuhagana fa'ina. Ka'i Iya keke ganana digo, ami Toveluga agaimiya keke gina'ela. Tu ka'i ganana digo, Bana'e gana'iveninisena be omi agaimiya ginahobu'ela. E, Bana'e gina'ela tomiyababi yadi nuwanuwa kali'uhona ginakivetuvetunugina be yadi dewa koyona hinahalamane-hagihagiyena, kadu gaveyao yegayegadiyao Yaubada matane ma hinahalamanena. Kadu'e Yaubada yana matahiwadi fa'ina ginakivetuvetunudi be hinahalamanena.

Meda anafaiweya omi'iyao. Adamoya ase'asemi gi'u'aulolo, tu aimo gana'ita-havagilemi ada au ase'asemi ginavatu, ada keke tamo hakwadi anafaiweya yami vemwamwala ginayawelini. Ada aimo yami wavemwamwala ana toveya keke tamo gavadi fa'ina wanatoliluveluveku. Gagahemi velemo'ena gavadi gavadi aku eganeya Kamaku wanave'o'olena, medema ginavelemi.

Yaubada gihalamaneku tu gagahegahe, omi yaku alika fa'ina wanatagitagi wanave'alulaukuhi tu badi tomiyababi hikiloweku-ma hinavemwamwala. Nagona omi wana'ase'u'aulolo tu muliya vemwamwala yami ase'u'aulolo ginatogahegena.