Popular Bible Verses from Thimo 3

Share

Tũũra wĩhokeete MWATHANI na ngoro yaku yothe, ndũkaanehoke ũmenyo waku. Rekagĩrĩria MWATHANI maũndũ maaku moothe, naake nĩarĩkũrũngagĩrĩria njĩra ciaku.

Ndũkaaneone ta wĩ mũũgĩ gũkĩra ũrĩa ũrĩ, tĩĩaga MWATHANI na ũreganage na ũndũ wothe mũũru.

Tĩĩaga MWATHANI na kũmũrutĩra magetha marĩa meega ma maciaro ma mũgũnda waku. Weka ũguo makũmbĩ maaku marĩiyũraga magetha, o nayo ndibei yaku ĩrĩkoragwo ĩiyũrĩĩte kuo na ũingĩ.

Wathĩki na wĩhokeku ndũkaanareke ikweherere. Ciĩyohage ngingo; na ũciandĩke ngoroinĩ yaku.

Mwana wakwa, thikagĩrĩria rĩrĩa MWATHANI arakũrũnga, na ndũkaraakarage rĩrĩa aragũkaania. Nĩ gũkorwo MWATHANI arũngaga ũrĩa eendeete, o ta ũrĩa mũciari arũngaga mwana eendeete.

Mwana wakwa, tũũra ũririkanaga ũrutani wakwa, ngoro yaku ĩrotũũra ĩmenyagĩrĩra maathani maakwa. Marĩgũtũũragia matukũ maingĩ gũũkũ thĩ, na ũtũũrage mũtũũrĩre wa thaayũ.

Gũkena-rĩ, nĩ mũndũ ũrĩa wĩgĩrĩire na ũũgĩ, akagĩa na ũmenyo. Amu uumithio wa ũũgĩ ũkĩrĩĩte uumithio wa betha, o na ũrĩ goro gũkĩra thahabu. Ũũgĩ ũcio wĩ goro gũkĩra mahiga ma goro, na ndũngĩũgerekania na kĩndũ o gĩothe kĩrĩa ũngĩrirĩria.

Andũ arĩa mabatairio nĩgwĩkwo wega meekage, angĩkorwo wĩ na ũhoti wa gwĩka ũguo.

MWATHANI oombire thĩ na ũũgĩ wake; narĩo igũrũ rĩkĩgĩa na ũndũ wa ũmenyo wake.