Popular Bible Verses from Thimo 2

Share

Ũũgĩ, ũheanagwo nĩ MWATHANI, ũmenyi na ũtaũku no we ũheanaga.

Mwana wakwa, ũngĩĩtĩkĩra kwamũkĩra ciugo ciakwa, na wĩigĩre maathani maakwa ta mũthiithũ, ningĩ ũngĩtega gũtũ ũthikĩrĩrie ũũgĩ, nayo ngoro yaku ĩriragĩrie kũgĩa na ũmenyo, ũngĩhooya ũheeo ũmenyo o na ningĩ ũthaithane ũheeo ũtaũku, ũngĩĩkĩra kĩyo kũũcaria ta ũrĩa betha ĩcaragio, o na kana ta ũrĩa mũthiithũ ũhithĩĩtwo handũ ũcaragio, hĩndĩ ĩyo norĩo ũngĩmenya ũteithio ũrĩa uumanaga na gũtĩĩa MWATHANI, na ũgĩe na ũmenyo wa Ngai.

Arĩa arũngĩrĩru nĩ we ũmataaraga, nĩ we ngo ya arĩa marĩ mĩthiĩre mĩega. Nĩ we ũrangagĩra njĩra cia kĩhooto, o na akamenyagĩrĩra mĩthiĩre ya arĩa maiguaine naake.

Nĩ gũkorwo andũ arĩa arũngĩrĩru, o arĩa akinyanĩru, nĩ o magaatũũra bũrũri ũyũ. No arĩa aaganu nĩkweherio makeeherio kuo, nao andũ arĩa ooru mamunywo meeherio kuo.

Ningĩ nĩũrĩteithũragwo kuuma harĩ mũndũ wa nja mwaganu, o na kuuma kũrĩ mĩario yake ya wara agĩkũheenereria; o mũtumia ũrĩa ũtirikĩĩte mũthuuriwe o na akariganĩrwo nĩ mĩhĩtwa ĩrĩa eehĩtire mbere ya Ngai.