Popular Bible Verses from Thimo 1

Share

Gũtĩĩa MWATHANI nĩkuo kĩhumo kĩa ũũgĩ wothe; irimũ nĩithũire ũũgĩ o na ũtaaro. Mwana wakwa, thikagĩrĩria mataaro ma thooguo, na ndũkaanaregane na ũrutani wa maitũguo.

Andũ arĩa irimũ makuaga nĩ ũndũ wa gũtuĩka o nĩ mĩgarũ, naguo mwĩgangaro wa irimũ nĩguo ũciniinaga. No rĩĩrĩ, ũrĩa ũrĩthikagĩrĩria arĩikaraga arĩ mũrangĩre na egangarĩĩte; ũcio-rĩ, arĩikaraga atarĩ na guoya wa ũndũ o wothe mũũru.”

Mũndũ mũũgĩ aciigua akoongerera ũũgĩ makĩria, naake ũrĩa mũmenyi maũndũ akoongorera ũmenyo.

Mwana wakwa, ũngĩkaaheenererio nĩ arĩa meehagia, ndũkaaneetĩkĩre

Ici nĩcio thimo cia Solomoni, mũrũ wa Daudi na mũthamaki wa Isiraeli. Thimo ici nĩ cia kũũhĩgia mũndũ na kũmũtaara, nĩ geetha ahote kũmenya ũhoro wega na kũũkũũrana. Imũtaare ũhoroinĩ wa gũtũũra na ũũgĩ, ũthingu, kĩhooto, na waragania. Nĩ cia kũũhĩgia ũrĩa ũtarĩ mũũgĩ, o na cia gũtũma andũ eethĩ matuĩke oogĩ, na cia kũmatua andũ a bata maũndũinĩ maao.

hĩndĩ ĩyo o na mũngĩkaanjĩta ndikaamũcookeria ũndũ, o na ningĩ mũngĩkaanjaria na kĩyo mũtikaanyona. Gĩtũmi nĩ ũndũ nĩmũthũire ũũgĩ, ningĩ ũhoro ũcio wa gũtĩĩa MWATHANI ndũrĩ kĩene harĩ inyuĩ.