Popular Bible Verses from Thimo 4

Share

Menyerera mũno mathugunda ma ngoro yaku; amu mathugunda macio nĩ mo mathondekaga mũtũũrĩre waku.

Menyagĩrĩra mũno mĩthiĩre yaku, naguo mũtũũrĩre waku nĩũgũũtũra wĩhandĩĩte wega.

Wĩmenyerie kwaga kwaria ndeto hotomu, o namo maheeni nĩmeehere harĩ we.

Ũndũ ũrĩa wa bata wĩgiĩ ũũgĩ no kwĩgĩĩra na ũũgĩ we mwene, nakuo kũgĩa na ũgerereri nĩguo ũndũ ũrĩa ũngĩ wa bata mũno.

No rĩĩrĩ, mĩthiĩre ya arĩa athingu no ta riũa rĩkĩratha, o na ta ũrĩa rĩthiaga rĩkĩaraga o nginyagia mĩaraho. Mĩthiĩre ya arĩa aaganu ĩhaana ta nduma ndumanu mũno; o na mangĩgũa matingĩmenya kĩrĩa kĩamahĩnga.

Menya gũkaanatigana na ũũgĩ naake nĩarĩkũmenyagĩrĩra; tuma ndũgũ naake na nĩegũtũũra akũrangĩire.

Tũũra ũrũmĩĩtie kĩrĩra kĩrĩa wĩrutĩĩte, na ndũkaanariganĩrwo nĩkĩo o na haniini; tũũra ũkĩmenyereire wega na nĩgĩgũgũtũũria muoyo.

Ndũkaanarũmanĩrĩre na mĩthiĩre ya andũ arĩa aaganu, ndũkaanathiĩ na mĩthiĩre ya andũ arĩa ooru.

Atĩrĩĩrĩ, ciana ciakwa, tegaai matũ mũthikĩrĩrie kĩrĩra gĩa ithe wanyu, na nĩmũkwĩgĩĩra na ũmenyo.