Popular Bible Verses from Kohelethu 4

Share

Andũ eerĩ nĩ eega gũkĩra ũmwe, amu mũcaara wa wĩra wao nĩ mwega. Tondũ ũmwe wao angĩgũa, ũcio ũngĩ nĩamuoyaga. No mũndũ angĩkorwo arĩ wiki angĩgũa, ndarĩ mũndũ ũngĩmuoya.

Ningĩ mũndũ angĩũkĩrĩrwo nĩ mũndũ ũmwe no aremwo nĩkũmwĩtiiria, no marĩ eerĩ ndangĩmahoota. Mũhĩndo wogotheetwo na ndigi ithatũ ndũngĩtuĩka narua.

O na ningĩ andũ eerĩ makoma hamwe nĩmaiguithanagia ũrugarĩ, no mũndũ angĩkoma arĩ wiki-rĩ, angĩĩiguithia ũrugarĩ atĩa?

Hiihi ũguo no gũkorwo arĩ ma, no ningĩ-rĩ, nĩ kaba mũndũ akorwo arĩ na tũniini na aiguage aiganĩire, gũkĩra gũkoragwo akĩĩhang'ia na no maaĩ arahũũra na ndĩrĩ.

O na ningĩ nĩndoonire atĩ mũndũ arutaga wĩra na akenogia nĩ ũndũ wa kũiguĩra mũndũ ũrĩa ũngĩ ũiru. O na ũguo no tũhũ na no ũndũ ũmwe na kũhũũra maaĩ na ndĩrĩ.

Nĩ kaba mũndũ mwĩthĩ mũũgĩ o na e mũthĩĩni gũkĩra mũthamaki mũkũrũ mũkĩĩgu ũtathikagĩrĩria mataaro.