Popular Bible Verses from Kohelethu 5

Share

Tiga kũhiũhaga kwaria, kana kũhiũha kwĩrĩra Ngai kĩndũ. Ngai arĩ igũrũ nawe wĩ thĩ, kwoguo ciugo ciaku reke ikoragwo irĩ nyiinyi.

O naake mũndũ o wothe ũrĩa Ngai aheete ũtonga, indo, o na hinya wa gwĩkenia nacio, niamũkĩre igai rĩake na ekenie na kĩrĩa arutĩire wĩra; kĩu nĩ kĩheeo kuuma kũrĩ Ngai.

Mũndũ ũrĩa wendeete mbeeca ndaciiganagia, na ũrĩa wendeete gũtonga ndaiganagwo nĩ uumithio ũrĩa oonaga: o na ũguo no tũhũ.

Menyerera mũthiĩre waku rĩrĩa ũgũtoonya nyũmba ya Ngai. Gũthiĩ kuo gũthikĩrĩria nĩ kwega gũkĩra magongoona ma irimũ, amu itikoragwo ikĩmenya atĩ nĩireka ũũru.

Rĩrĩa werĩra Ngai kĩndũ, mũhingĩrie narua, amu we ndakenagio nĩ irimũ. Hingia ũrĩa ũmwĩrĩire.

Nĩ kaba kwaga kũmwĩrĩra kĩndũ gũkĩra kũmwĩrĩra ũcooke wage kũmũhingĩria.

Mũndũ wa kũrĩmia arĩĩte irio nyingĩ kana nyiinyi nĩakomaga toro mwega, no gĩtonga gĩkoragwo na indo nyingĩ ũguo atĩ ũtukũ kĩraaraga gĩkĩhahũkaga.

O ũrĩa mũndũ aaciarirwo nĩ nyina atarĩ kĩndũ, noguo agaathiĩ mooko matheri thuutha wa kũruta wĩra wa mĩnoga.