Popular Bible Verses from Kohelethu 3

Share

Ũndũ o wothe wĩkĩkaga gũũkũ thĩ, wĩkĩkaga o ihinda rĩrĩa Ngai aamũrĩĩte.

Kũrĩ ihinda rĩa gũciarwo, na ihinda rĩa gũkua. Kũrĩ ihinda rĩa kũhanda na ihinda rĩa kũmunya. Kũrĩ ihinda rĩa kũũraga, na ihinda rĩa kũhonia. Kũrĩ ihinda rĩa gũtharia na ihinda rĩa gwaka.

Kũrĩ ihinda rĩa kũrĩra na ihinda rĩa gũtheka. Kũrĩ ihinda rĩa gũcakaya na ihinda rĩa kũina. Kũrĩ ihinda rĩa gũkomania, na ihinda rĩtarĩ rĩa gũkomania. Kũrĩ ihinda rĩa kũhĩmbanĩria, na ihinda rĩa kwaga kũhĩmbanĩria.

Kũrĩ ihinda rĩa gũtarũranga, na ihinda rĩa gũtuma. Kũrĩ ihinda rĩa gũkira, na ihinda rĩa kwaria. Kũrĩ ihinda rĩa kwendana, na ihinda rĩa kũmenana, Kũrĩ ihinda rĩa mbaara, na ihinda rĩa thaayũ.

Kũrĩ ihinda rĩa gũcaria, na ihinda rĩa gũte. Kũrĩ ihinda rĩa gũcookanĩrĩria, na ihinda rĩa kũhuurunja.

Nĩnjũũĩ atĩ ũndũ o wothe wĩkagwo nĩ Ngai, ũtũũraga tene na tene; gũtirĩ ũndũ ũngĩongererwo harĩ guo, kana ũrutarutwo kuuma harĩ guo. Ngai eekire ũguo nĩ geetha andũ maikarage mamwĩtigĩrĩĩte.

Nĩndakĩĩĩrire na ngoro atĩrĩ, “Ngai agaatuĩra mũndũ ũrĩa mũthingu na ũrĩa mwaganu, amu nĩathuurĩĩte ihinda rĩa ũndũ o wothe, o na rĩa wĩra o wothe.”