Popular Bible Verses from Kohelethu 2

Share

Amu Ngai nĩwe ũheaga mũndũ ũrĩa ũmũkenagia ũũgĩ, ũmenyo na gĩkeno, no mũndũ mwĩhia amũheaga wĩra wa gũthũkũma indo akĩigaga, nĩguo indo icio ikaaheeo mũndũ ũrĩa ũkenagia Ngai. O na ũguo wothe no tũhũ, na no ũndũ ũmwe na kũhũũra maaĩ na ndĩrĩ.

Gũtirĩ ũndũ ũngĩ mwega harĩ mũndũ gũkĩra arĩe, anyue, na ekenie na indo iria anogeire. Na o na ũguo nĩndamenyire atĩ uumaga harĩ Ngai. Tondũ-rĩ, we atarĩ ho, mũndũ no ahote kũrĩa kana ekenie?

Nĩndagĩcookire ngĩciiria ũhoro wa maũndũ marĩa moothe ndeekĩĩte, o na ũrĩa ndaũrutĩĩte na hinya, na moothe ngĩona nĩ ma tũhũ, na no ũndũ ũmwe na kũhũũra maaĩ na ndĩrĩ, na matiarĩ na bata o na haniini.

Ingĩabataririo nĩ kĩndũ o nakĩ, nĩndakĩonaga, na ndieimaga ikeno cia mĩthemba yothe, na ngoro yakwa nĩyaiguaga ĩkeneetio nĩ wĩra wakwa na ũcio nĩguo wakĩrĩ mũcaara wakwa.

Ngĩkĩmenya atĩ ũũgĩ nĩ mwega gũkĩra ũrimũ o ta ũrĩa ũtheri ũrĩ mwega gũkĩra nduma.

Mũndũ mũũgĩ nĩakoragwo akĩona kũrĩa arathiĩ, no mũndũ mũkĩĩgu ageragĩra ndumainĩ; na nĩnjũũĩ atĩ oothe makaarĩĩkĩrĩria o ũndũ ũmwe.

Tondũ mũndũ aruta wĩra na ũũgĩ wake na ũmenyi, na ũũhĩgĩrĩru, indo icio no mũhaka agaacitiga irĩĩo nĩ mũndũ ũtaacinogeire. O na ũguo wothe no tũhũ na nĩ ũũru mũno.