Popular Bible Verses from Agalatia 5

Share

No maciaro ma Roho nĩ wendani, gĩkeno, thaayũ, ũkirĩrĩria, ũtugi, ũtaana, wĩhokeku, ũhooreri, na kwĩnyiita ũhoroinĩ wa merirĩria ma mwĩrĩ. Maũndũ macio gũtirĩ Watho uugĩĩte matigeekagwo.

Ũrĩa nguuga nĩ atĩrĩĩrĩ, rekeei Roho amũtongoragie, na mũtirĩhingagia merirĩria ma mwĩrĩ.

Angĩkorwo tũtũire muoyo nĩ ũndũ wa Roho-rĩ, nĩtũgĩthiage tũtongoreetio no we mĩthiĩreinĩ iitũ.

Nao arĩa a Kristũ Jesũ nĩmooragĩĩte ũmũndũ wao, o hamwe na thuti na merirĩria ma mwĩrĩ.

Maũndũ ma kĩĩmwĩrĩ nĩmeyonanĩĩtie o wega, namo nĩ: ũtharia, merirĩria mooru, ũũra thoni, gũthaathaiya mĩhianano, kũrogana, ũthũ, gũkararania, kũiguanĩra ũiru, kũraakarania, kwĩyenda, kwamũkana, moorutani mooru, gũcuumĩkĩra, ũrĩĩu, maruga ma waganu marĩa mainagwo nyĩmbo njũru, na maũndũ mangĩ ma mĩthemba ta ĩyo. Ha ũhoro wa maũndũ macio nĩngũmũkaania rĩngĩ o ta ũrĩa ndamũkaanirie ngĩmwĩra atĩ, andũ arĩa meekaga maũndũ macio matikaagaya Ũthamaki wa Ngai.

Inyuĩ, aariũ na aarĩ a Ithe witũ, mwetirwo mũgĩe na wĩyathi. Mũtikaarekage wĩyathi ũcio wanyu ũtũmage mũtongoragio nĩ merirĩria ma mwĩrĩ. Rekeei wendo ũtũmage mũtungatanagĩre inyuĩ eene.

Gĩtũmi nĩ tondũ merirĩria ma mwĩrĩ nĩmarũaga na merirĩria ma Roho, namo merirĩria ma Roho makarũa na merirĩria ma mwĩrĩ. Mwĩrĩ na Roho irĩ ũthũ, na nĩ ũndũ ũcio mũtingĩhota gwĩka ũrĩa mũrenda gwĩka.

Nĩ ũndũ-rĩ, ũhoro wothe wa Watho ũhingĩtio nĩ rĩathani rĩĩrĩ rĩmwe tu: “Enda mũndũ ũrĩa ũngĩ o ta ũrĩa wĩyendeete wee mwene.”

Tũtiagĩrĩirwo nĩgwĩtĩĩa, kũũgitana, o na kana kũiguanagĩra ũiru.

Atĩrĩĩrĩ, Kristũ nĩatuohorire tũkiuma ũkomboinĩ! Ikaraai o ro ũguo, na mũtigeetĩkĩre gũcooka ũkomboinĩ rĩngĩ.