Popular Bible Verses from Agalatia 4

Share

Nĩguo Ngai oonanie atĩ tũrĩ ciana ciake, nĩatũmire Roho wa Mũũriũ ngoroinĩ ciitũ ũrĩa wĩtanaga arĩ thĩinĩ witũ, “Awa! Baaba!” Rĩu nĩtwagĩtigire gũtuĩka ngombo tũgĩtuĩka ciana ciake. Tondũ nĩtwagĩtuĩkire ciana ciake-rĩ, nĩtũkaagaya igai rĩrĩa Ngai aigĩire ciana ciake.

No rĩĩrĩ, rĩrĩa mahinda marĩa maagĩrĩire maakinyire, Ngai nĩatũmire Mũũriũ wake kĩũmbe. Mũũriũ ũcio wake ookire na ũndũ wa gũciarwo nĩ mũndũ wa nja na akĩrerwo e rungu rwa Watho wa Ayahudi nĩguo akũũre andũ arĩa matũire rungu rwa Watho, nĩ geetha tũtuĩke ciana cia Ngai.

Rĩu tondũ nĩmũmenyeete Ngai, kana ndĩkiuge, Ngai nĩamũmenyeete-rĩ, mũrakĩenda gũcookerera maroho marĩa matarĩ bata na matarĩ kĩene nĩkĩ? Mũrenda gũtuĩka ngombo ciamo o rĩngĩ nĩkĩ?