Popular Bible Verses from Agalatia 6

Share

Kĩrekeei tũtikaanogagio nĩgwĩkaga wega, nĩ ũndũ twaga gũkua ngoro, ihinda nĩrĩgaakinya rĩa kũgetha.

Kwoguo nĩtwĩkage andũ oothe wega rĩrĩa rĩothe twĩ na ihinda, na makĩria twĩkage wega arĩa tuumbũraga wĩtĩkio ũmwe nao.

Teithanagiai mũndũ na ũrĩa ũngĩ mathĩĩnainĩ; mweka ũguo nĩmũrĩhingagia Watho wa Kristũ.

Mũtikeeheenie; Ngai ndaheenekaga. O mũndũ akaagetha kĩrĩa ahandaga.

Angĩkorwo ahandaga maũndũ ma kũhũũnia thuti cia mwĩrĩ wake-rĩ, akaagetha gĩkuũ kĩrĩa kiumanaga na maũndũ macio. No rĩĩrĩ, angĩkorwo ahandaga maũndũ ma gũkenia Roho-rĩ, akaagetha muoyo wa tene na tene.

Aariũ na aarĩ a Ithe witũ, mũndũ angĩkorwo ahĩtĩĩtie-rĩ, inyuĩ mũrĩ na Roho mũrũngageei mũhooreire. Mũgĩĩka ũguo-rĩ, mwĩmenyagĩrĩreei mũno nĩguo o na inyuĩ mũtikaae kũhĩtia taake.

Mũndũ angĩciiria atĩ nĩ wa bata o rĩrĩa atarĩ wa bata, nĩkwĩheenia areheenia. O mũndũ nĩarorage wĩra wake we mwene. Wakorwo wĩ mwega-rĩ, nĩagĩtĩĩage nĩ ũndũ wa ũrĩa eekĩĩte we mwene atekũringithania wĩra wake na wa mũndũ ũngĩ. Nĩ ũndũ o mũndũ no mũhaka akuue mathĩĩna maake.