Popular Bible Verses from Aefeso 5

Share

Tondũ inyuĩ mwĩ ciana iria nyende cia Ngai-rĩ, kĩgeragiei kũmũtũkia. Mĩthiĩre yanyu nĩtongoragio nĩ wendani, o ta ũrĩa Kristũ aatwendire na akĩĩruta nĩ ũndũ witũ arĩ kĩheeo kĩa mũtararĩko mwega na igongoona rĩa gũkenia Ngai.

Nĩ ũndũ ũcio mwĩmenyerereei mĩikarĩreinĩ yanyu. Tigagaai gũikaraga ta irimũ, ikaragaai ta andũ oogĩ. Hũthĩragaai wega kamweke o goothe karĩa mwĩ nako nĩ amu mahinda maya nĩ mooru.

Mũtikaanarĩĩo nĩ ndibei, nĩ gũkorwo ũndũ ũcio nĩ wa kũmũthũũkia; kaba mũkoragwo mũiyũrĩĩtwo nĩ roho. Aranagĩriai mũndũ na ũrĩa ũngĩ na ciugo cia thaburi, na cia nyĩmbo cia Ngai, na cia nyĩmbo cia kĩĩroho, mũgĩcookagĩria Mwathani ngaatho na mũkĩmũinagĩra na ngoro yothe. Nĩ ũndũ wa ũrĩa mwĩtainwo na Mwathani witũ Jesũ Kristũ, hingo ciothe cookagĩriai Ngai Ithe ngaatho maũndũinĩ moothe.

Nĩ ũndũ ũcio tigagaai gũikaraga mũkĩĩgĩĩte, no geragiai kũmenya ũrĩa Mwathani eendaga mwĩke.

Na inyuĩ athuuri-rĩ, endagaai atumia aanyu o ta ũrĩa Kristũ eendire kanitha akĩĩruta we mwene nĩ ũndũ waguo.

Kwĩ hĩndĩ mwarĩ ndumainĩ, no rĩu tondũ nĩmũtuĩkĩĩte andũ a Mwathani mũrĩ ũtheri. Kwoguo gĩikarageei ta ciana cia ũtheri

Atĩrĩĩrĩ, heyanagaai gĩtĩĩo o mũndũ na ũrĩa ũngĩ nĩ ũndũ wa ũrĩa mũtĩĩĩte Kristũ.

Inyuĩ atumia-rĩ, heyagaai athuuri aanyu gĩtĩĩo ta ũrĩa mũngĩhe Mwathani.

Ningĩ no iraaria ũhoro wanyu ũmwe kwa ũmwe: mũthuuri o wothe nĩendage mũtumia wake o ta ũrĩa eyendeete we mwene, naake mũtumia o wothe nĩatĩĩage mũthuuriwe.

Nĩ ũndũ ũcio mũndũ nĩarĩtigaga ithe na nyina, agathiĩ akanyiitana na mũtumia wake nao eerĩ magatuĩka mwĩrĩ ũmwe.

Tigagaai kũnyiitanĩra na andũ arĩa meekaga maũndũ marĩa matarĩ bata, marĩa meekagĩrwo ndumainĩ. Handũ ha ũguo rekagaai maũndũ macio mamenyekage nĩ andũ.